Pimpri Chinchwad Crime: पिंपरी-चिंचवडमध्ये पीएचडीच्या विद्यार्थिनीने आयुष्य संपवलं, शास्त्रज्ञ प्राध्यापकाकडून छळ, मित्र धावत गेला पण....
Pimpri Chinchwad news: पिंपरी चिंचवडमध्ये एक धक्कादायक घटना घडली आहे. पीएचडी करणाऱ्या तरुणीने टोकाचे पाऊल उचलले आहे.
Pimpri Chinchwad Crime: पिंपरी चिंचवडमध्ये पीएचडी विद्यार्थिनीने गळफास घेत आयुष्याचा शेवट केल्याने खळबळ उडाली आहे. शास्त्रज्ञ असलेल्या प्राध्यापकाकडून तिचा छळ (Harrasment) सुरु होता. याप्रकरणी बोटॅनिकल सर्व्हे ऑफ इंडियाचा प्राध्यापक सहाय्यक संचालक डॉ. ए. बिन्नियमिन याला अटक करण्यात आली आहे. तर आत्महत्या (Suicide news) करणाऱ्या 30 वर्षीय विद्यार्थिनीच्या वडिलांनी याप्रकरणी भोसरी एमआयडीसी पोलीस ठाण्यामध्ये फिर्याद दिली आहे. संबंधित तरुणीने शनिवारी 11 एप्रिल रोजी राहत्या घरी शाहूनगर (Shahu Nagar) येथे गळफास घेऊन आत्महत्या (Suicide news)केली. संबंधित तरुणी बॉटनी या विषयात बोटॅनिकल सर्व्हे ऑफ इंडिया येथे पीएचडी करीत होती. तर आरोपी बिन्नियमिन तिचा गाईड होता. (Maharashtra Crime news)
या तरुणीने आयुष्य संपवण्यापूर्वी संबंधित विद्यार्थिनीने चिठ्ठी लिहून ठेवली असून, त्यामध्ये ऑगस्ट 2025 पासून बिन्नियमिन हा अनैतिक प्रकार, गैरवर्तन आणि मानसिक त्रास देत होता. त्याच्या या त्रासाला कंटाळून तरुणीने आत्महत्या केली. दरम्यान, आत्महत्या करण्यापूर्वी दोन दिवस आधी बिन्नियमिन याने स्टॅम्प पेपरवर पुन्हा असा प्रकार करणार नाही. चूक झाली असे लिहून दिले होते. परंतु, संबंधित तरुणी या मानसिक धक्क्यातून सावरली नव्हती. आई-वडील गावी गेल्यावर तिने मित्राला फोन केला. मी आत्महत्या करते असं ती मित्राला म्हणाली. मित्राने फोनवर बोलण्यात गुंतवले, पण तो तिच्या घरी पोहचेपर्यंत उशीर झाला होता. याप्रकरणी बिन्नियमिन याला अटक केली असून, त्याला बुधवार 15 एप्रिल पर्यंत पोलिस कोठडीत ठेवण्याचे आदेश कोर्टाने दिले आहेत. याप्रकरणात आता पुढे काय कारवाई होणार, याकडे सर्वांच्या नजरा लागल्या आहेत.
Nashik Crime news: नाशिक आयटी कंपनी धर्मांतर प्रकरण, अश्विनी चेनानीला आज कोर्टात हजर करणार
नाशिकमधील आयटी कंपनी अत्याचार आणि धर्मांतर प्रकरणातील संशयित आरोपी अश्विनी चेनानीला कोर्टात हजर केले जाणार आहे. चेनानीच्या पोलीस कोठडीची मुदत आज संपत असल्याने कोर्टात हजर केले जाईल. कंपनीमधील ऑपरेशन मॅनेजर असणाऱ्या चेनानी हिने तरूणीच्या तक्रारींकडे दुर्लक्ष केल्याचा ठपका तिच्यावर ठेवण्यात आला आहे. चेनानीने आधीच कारवाई केली असती तर गुन्हेगारांची हिम्मत वाढली नसती, महिलेवर अत्याचार, धर्मांतरसाठी दबाव टाकला नसता, असे काही पिडीत तरुणींनी पोलिसांनी सांगितले होते.
आणखी वाचा
महत्त्वाच्या बातम्या
