Mumbai Accident : रस्ता ओलांडताना भरधाव टँकरची धडक, दोन भावंडाचा बळी; चेंबूरमधील घटना

Mumbai Chembur Accident : रस्ता ओलांडण्यासाठी उभे असताना भरधाव टॅंकरच्या धडकेत दोन चुलत भावंडांना चिरडल्याची घटना मंगळवारी चेंबूर परिसरात घडल्याने खळबळ उडाली आहे.

Mumbai Chembur Accident

Mumbai Chembur Accident News : रस्ता ओलांडण्यासाठी उभे असताना भरधाव टॅंकरच्या धडकेत दोन चुलत भावंडांना चिरडल्याची घटना मंगळवारी चेंबूर परिसरात घडल्याने खळबळ उडाली आहे. या अपघातात 2 वर्षांची सृष्टी मुकेश गुप्ता आणि 3 वर्षाच्या ऋषी रमेशकुमार गुप्ताचा मृत्यू झाला आहे. तर या अपघातात आईच्या पायाला दुखापत झाली असून त्यांच्यावर जवळच्या रुग्णालयात उपचार सुरु आहे. याप्रकरणी टिळक नगर पोलिसांनी टँकर चालकाविरोधात गुन्हा नोंदवत त्याला अटक केली आहे.

कल्याणला राहणाऱ्या रंजना मुकेश गुप्ता या 24 मे पासून चेंबूर परिसरात राहणाऱ्या आईकडे मुलगी सृष्टीसोबत राहण्यास आल्या होत्या. माहितीनुसार 21 जून रोजी मुलगी सृष्टी आणि भावाचा मुलगा ऋषीला बरे वाटत नसल्याने दोघांना डॉकटरला दाखविण्यासाठी घराबाहेर पडल्या. सव्वा आकाराच्या सुमारास चेंबूर नाक्याच्या दिशेने रस्ता ओलांडण्यासाठी उभे असताना भरधाव वेगाने आलेल्या टँकरने त्यांना धडक दिली.

या अपघातात तिघेही गंभीर जखमी झाले. स्थानिकांच्या मदतीने त्यांना जवळील खासगी रुग्णालयात आणले. तेथे उपचारादरम्यान दोघांना मृत घोषित करण्यात केल्याने गुप्ता कुटुंबियांवर शोककळा पसरली आहे. तर, रंजना यांच्या पायाला गंभीर दुखापत झाली असून त्यांच्यावर उपचार सुरु आहेत.

याप्रकरणी स्थानिकांनी टँकर चालक राजेंद्र पुरोहितला पकडून पोलिसांच्या ताब्यात दिले आहे. याप्रकरणी टिळक नगर पोलिसांनी चालकाविरोधात गुन्हा नोंदवत अधिक तपास करत आहे.

इतर महत्वाच्या बातम्या