Gadchiroli police : गडचिरोली पोलिसांना मोठे यश; जहाल नक्षलवाद्याला ठोकल्या बेड्या

Gadchiroli News Update : गडचिरोली पोलिसांनी एका जहाल नक्षलवाद्याला  ( naxalite) अटक केली आहे. गडचिरोली पोलिसांची आठवड्यातील ही दुसरी मोठी कारवाई आहे.

Gadchiroli News Update

Gadchiroli News Update : गडचिरोली पोलिसांनी (Gadchiroli police) उत्तम कामगिरी करत एका जहाल नक्षलवाद्याला ( naxalite) अटक केली आहे. अटक करण्यात आलेला नक्षलवादी हा छत्तीसगडचा रहिवासीअसून वेल्ला केसे वेलादी ( वय, 35 ) त्याचे नाव आहे. गडचिरोली पोलिसांनी दामरंच्या जंगल परिसरात विशेष अभियान राबवून ही कारवाई केली आहे.  2001 मध्ये तो नक्षल दलममध्ये भरती झाल्यानंतर त्याने अनेक नक्षल कारवायात प्रत्यक्ष सहभाग घेतला आहे. पोलिसांनी या नक्षलवाद्याला न्यायालयापुढे हजर केले असून त्याला 28 फेब्रुवारीपर्यंत पोलीस कोठडी सुनावण्यात आली आहे. जानेवारी 2022 पासून आजवर गडचिरोली पोलिसांनी एकूण 65 नक्षलवाद्यांना अटक केली आहे.

फेब्रुवारी ते मे महिन्यादरम्यान नक्षलवादी देशभर टीसीओसी मोहीम राबवितात. यादरम्यान ते पोलीस दलावर हल्ले आणि शासकीय मालमत्तेचे नुकसान करतात. मात्र याच कालावधीत गडचिरोली पोलिसांनी मोठी कारवाई केली आहे. 

याबाबत पोलिसांकडून मिळालेल्या माहितीनुसार, गुरूवारी गडचिरोली पोलिसांना बेल्ला केसे वेलादी याच्याबद्दल गोपनीय माहिती मिळाली होती. मिळालेल्या माहितीची खातरजमा करून पोलिसांनी दामरंच्या जंगलात विषेष मोहीम राबवली. या मोहिमेदरम्यानच वेलादी पोलिसांच्या तावडीत सापडला. 

अनेक हिंसक कारवायांमध्ये सहभाग

गडचिरोली पोलिसांनी अटक केलेला जहाल नक्षलवादी वेलादी याने आजपर्यंत अनेक हिंसक कारवायांमध्ये सहभाग घेतला आहे. जनमीलिशिया सदस्य, संड्रा दलम सदस्य अशा विविध पदावर असताना वेल्ला याने अनेक हिंसक कारवाया पार पाडल्या. जाळपोळ, खून, चकमक, दरोडा अशा विविध गुन्ह्यात त्याचा सहभाग होता. टेकामेटा चकमकीदरम्यान त्याने जहाल नक्षल नेता भास्कर याला पळून जाण्यास देखील मदत केली होती. गेल्या अनेक वर्षांपासून तो पोलिसांच्या रडारवर होता. अखेर आज पोलिसांनी त्याला बेड्या ठोकल्या. 

आठवड्यात दुसरी मोठी कारवाई 

दरम्यान, गडचिरोली पोलिसांनी 20 फेब्रुवारी रोजीच  हैदराबाद येथून दोन जहाल नक्षलवाद्यांना अटक केली होती. अटक करण्यात आलेल्या दोन नक्षलवाद्यांमध्ये एक महिला आणि एका पुरुषांचा समावेश आहे. 2006 पासून हे दोन्ही नक्षलवादी फरार होते. त्या दोघांवरही शासनाने दहा लाख रूपयांचे बक्षीस ठेवले होते. टुगे उर्फ मधुकर चिन्हना कोडापे ( वय 42 जि. गडचिरोली ) आणि श्यामला उर्फ जामणी मंगलु पूनम ( वय 35 छत्तीसगड ) असे अटक करण्यात आलेल्या दोन्ही नक्षलवाद्यांची नावं आहेत. या कारवाईला आठ दिवस होण्याआधीच पोलिसांनी आज जहाल नक्षलवाद्याला अटक केली आहे.   

महत्वाच्या बातम्या