धक्कादायक! पोलिसांच्या व्हॅनमध्ये गुंडाने केक कापून केला वाढदिवस साजरा, व्हिडीओ व्हायरल

Crime News : पोलिसांच्या व्हॅनमध्ये असताना हा गुंड केक कापत होता. मात्र, पोलिसांनी त्याला मज्जाव का केला नाही? असा प्रश्न आता उपस्थित होतोय.

crime news

मुंबई : उल्हासनगरमध्ये एक धक्कादायक घटना समोर आली आहे. एका हत्येच्या प्रकरणात कारागृहात असलेल्या गुंडाचा पोलिसांच्या व्हॅनमध्ये केक कापून वाढदिवस साजरा करण्यात आलाय. रोशन झा  असे या गुंडाचे नाव असून वाढदिवस साजरा करतानाचा व्हिडीओ चांगलाच व्हायरल झाला आहे. दरम्यान, हा व्हिडीओ त्याच्या समर्थकांनी आपल्या व्हाट्सअप स्टेटसवर ठेवल्याने मोठी खळबळ उडाली आहे.

पोलिसांच्या व्हॅनमध्ये असताना हा गुंड केक कापत होता. मात्र, पोलिसांनी त्याला मज्जाव का केला नाही? असा प्रश्न आता उपस्थित होतोय. हत्येच्या आरोपात कारागृहात असणाऱ्या आरोपीने पोलिसांच्याच गाडीत वाढदिवस साजरा केल्याने आता पोलिसांच्या कार्यक्षमतेवर प्रश्नचिन्ह निर्माण झाले आहे. 

रोशन झा हा उल्हासनगरमधील गुंड आहे. त्याच्यावर ठाणे जिल्ह्यातील विविध पोलीस ठाण्यात हत्या, हत्येचा प्रयत्न, खंडणी, धमकवणे आणि इतर अनेक गंभीर स्वरूपाचे गुन्हे दाखल आहेत. शनिवारी या गुंडाला कारागृहातून कल्याणच्या न्यायालयात आणण्यात आले होते, यावेळी पोलिसांच्या व्हॅनमध्ये बसलेल्या गुंड रोशन यांने खिडकीमधून समर्थकांनी आणलेला केक कापला. दरम्यान, हा व्हिडीओ सोशल मीडियावर चांगलाच वायरल झाला. त्याच्या समर्थकांनी हा व्हिडीओ स्टेटसला ठेवल्यामुळे हे प्रकरण समोर आले आहे. 

दरम्यान, या सर्व प्रकारानंतर पोलीस यंत्रणेवर अनेक प्रकारचे प्रश्न उपस्थित केले जात आहेत. पोलिसांच्या व्हॅनमध्ये हा गुंड त्याचा वाढदिवस कसा काय साजरा करू शकतो? असा सवाल उपस्थित होत आहे. आता या प्रकरणाकडे दुर्लक्ष  करणाऱ्या पोलिसांवर कारवाई करण्याची मागणी केली जातीय.  

शनिवारी रोशन याला कारागृहातून कल्याणच्या न्यायालयात आणण्यात आले होते. यावेळी पोलिसांच्या व्हॅनमध्ये बसलेल्या गुंड रोशन झा यांने खिडकीमधून समर्थकांनी आणलेला केक कापला. दरम्यान हा व्हिडिओ सोशल मीडियावर चांगलाच वायरल झाला. पोलिसांच्या व्हॅनमध्ये हा गुंड त्याचा वाढदिवस कसा काय साजरा करू शकतो?. असा प्रश्न निर्माण झाला आहे.  

व्हिडीओ 

महत्वाच्या बातम्या