Crime News: धक्कादायक! महाराष्ट्रातील आजीवर पहलगाममध्ये लैंगिक अत्याचार; ब्लँकेटने झाकले अन् नको नको ते केलं!
पहलगाममध्ये महाराष्ट्रातील 70 वर्षीय आजीवर लैंगिक अत्याचार झाल्याची धक्कादायक प्रकार घडला आहे. सदर घटनेमुळे एकच खळबळ उडाली आहे.
Crime News: जम्मू-काश्मीरच्या पहलगाममधील (Pahalgam) एक धक्कादायक घटना समोर आली आहे. पहलगाममध्ये महाराष्ट्रातील 70 वर्षीय आजीवर लैंगिक अत्याचार झाल्याची धक्कादायक प्रकार घडला आहे. सदर घटनेमुळे एकच खळबळ उडाली आहे. पीडित वृद्ध महिला फिरण्यासाठी पहलगाममध्ये गेली होती. यादरम्यान 11 एप्रिल रोजी पीडित वृद्ध महिलेवर अत्याचार झाल्याचं सांगण्यात येक आहे.
सदर प्रकरणातील आरोपी झुबैर अहमद ताब्यात घेतले असून 30 जून 2025 रोजी अनंतनाग जिल्हा कोर्टात याबाबत सुनावणी झाली. जेव्हा न्यायालयात आरोपीच्या जामीन अर्जावर सुनावणी झाली तेव्हा त्याने आरोप नाकारले, परंतु न्यायालयाने त्याला जामीन नाकारत या घटनेतील मानसिकता अत्यंत विकृत असल्याचे ठामपणे निदर्शनास आणून दिले. आरोपी झुबैर अहमद हा पहलगाममधील स्थानिक रहिवाशी आहे.
नेमकं काय घडलं?
पोलिसांनी दिलेल्या माहितीनूसार, 11 एप्रिल रोजी बलात्कारानंतर महिला गंभीर जखमी झाली होती. आरोपी अहमदने तिच्या हॉटेलच्या खोलीत प्रवेश केला, तिला ब्लँकेटने झाकले आणि तिचं लैंगिक शोषण केलं. तर आरोपीने न्यायालयात दावा केला की, पोलिसांनी त्याला खोट्या प्रकरणात गुंतवले आहे. तसेच पीडित वृद्द महिलेने आरोपी म्हणून मला ओळखले देखील नाही, असा दावाही आरोपीने केला आहे. पोलिसांना मी आतापर्यंत सहकार्य केले असून यापुढेही करत राहील, असं आरोपीने न्यायालयात सांगितले.
सिंधुदुर्गच्या जंगलात नेपाळी युवकाचा सांगाडा-
सिंधुदुर्ग जिल्ह्यात पर्यटनासाठी आलेल्या कोल्हापूरच्या युवकाचा आंबोली घाटातील दरीत कोसळून मृत्यू झाल्याची घटना ताजी असतानाच मालवण जंगलातून धक्कादायक प्रकार समोर आला आहे. सिंधुदुर्ग जिल्ह्याच्या मालवण तालुक्यातील नांदोस गावातील जंगलमय भागात पुरुष जातीचा सडलेल्या अवस्थेतील सांगाडा सापडल्याने खळबळ उडाली आहे. या सांगाड्यासोबत घड्याळ, बॅग, मोबाईल देखील सापडला आहे. त्यावरून पोलिसांनी दिलेल्या माहितीनुसार, सदर सांगाडा हा कट्टा येथील हॉटेलमध्ये काम करणाऱ्या नेपाळी तरुणाचा असून याबाबत त्याच्या भावाने त्या ठिकाणी सापडलेल्या साहित्याची ओळख पाठविली आहे. याप्रकरणी, मालवण पोलीस अधिक करीत आहेत.
महाराष्ट्रासह देश-विदेशातील महत्वाच्या घटना-
संबंधित बातमी:
महत्त्वाच्या बातम्या
