Crime : मामी-भाच्याच्या प्रेमसंबंधात मामाचा 'गेम', 6 वर्षाच्या मुलाने केला 'असा' खुलासा, 12 तासांतच पोलिसांनी केला पर्दाफाश 

Crime : या प्रकरणात 6 वर्षाच्या मुलाने महत्वपूर्ण खुलासा केला, आणि खुनाच्या 12 तासांतच पोलिसांनी या हत्येचा पर्दाफाश करत 6 आरोपींना अटक केली. नेमकं प्रकरण काय?

Crime marathi news madhya pradesh indore

Madhya Pradesh Crime : मध्य प्रदेशातील इंदोरमध्ये नात्याला काळीमा फासणारे एक प्रकरण समोर आले आहे. मामीच्या प्रेमात असलेल्या भाच्याने मित्रांसोबत मिळून मामाचा खून केला, या प्रकरणात 6 वर्षाच्या मुलाने महत्वपूर्ण खुलासा केला, आणि खुनाच्या 12 तासांतच पोलिसांनी या हत्येचा पर्दाफाश करत 6 आरोपींना अटक केली. नेमकं प्रकरण काय?

 

6 वर्षाच्या मुलाकडून हत्येचा पर्दाफाश 

रूपसिंग राठोड याचा मृतदेह विदुर नगर येथे पोलिसांना सापडला होता. या प्रकरणी पोलिसांनी तपास केला असता त्याचा भाचा शुभम (वय 22) याचाही रूपसिंगच्या हत्येत सहभाग असल्याचे पोलिसांना समजले. या हत्येप्रकरणी पोलिसांनी भाचा, चार मित्र आणि मामाला अटक केली. या खूनाचा खुलासा मृताच्या सहा वर्षाच्या मुलाने पोलिसांना माहिती दिल्याने झाला आहे. हत्येमागे शुभम, मृताची पत्नी पूजा म्हणजेच मामी असल्याचे निष्पन्न झाले, कारण मृत रूपसिंग राठोडचा भाचा आणि मामीचे प्रेमसंबंध असल्याचे उघड झाले.

अनैतिक संबंधातून मामी-भाच्याने केली हत्या

या प्रकरणी पोलीस अधिकारी अभिनव विश्वकर्मा यांनी सांगितले की, मृताची पत्नी आणि त्याच्या भाच्याचे अनैतिक संबंध होते. यामुळे पुतण्याने आपल्या अल्पवयीन मित्रांसह मामाची हत्या केली. ही घटना 12 तासांत उघडकीस आली आणि 6 आरोपींना अटक करण्यात आली, त्यापैकी दोन अल्पवयीन आहेत. मामी आणि भाच्याने मामाचा चेहरा उशीने दाबून खून केला होता. त्यानंतर मृतदेह नाल्याच्या काठावर फेकून दिला, त्यामुळे हे संपूर्ण प्रकरण एक प्लानिंग असल्याचा पोलिसांचा विश्वास बसला.

उशीने तोंड दाबून मामाची हत्या

पोलिसांनी सहा वर्षांच्या मुलासह मृताच्या नातेवाईकांकडे चौकशी केली. याच्या चौकशा दरम्यान हा अपघात नसून खून असल्याचा संशय पोलिसांकडून व्यक्त करण्यात आला. मामीच्या 6 वर्षाच्या मुलाने सांगितले की, आई आणि वडिलांमध्ये नेहमीच भांडण होत असे. यानंतर पोलिसांनी पूजाचा मोबाईल तपासला असता पूजाने शुभमला अनेक वेळा व्हिडीओ कॉल केल्याचे आढळून आले. दोघांना ताब्यात घेऊन त्यांची कसून चौकशी केली असता त्यांनी गुन्ह्याची कबुली दिली. 

 

'माझे प्रेम इतरांसारखे नाही' आरोपीची पोस्ट

मुख्य आरोपी शुभमने खुनापूर्वी त्याच्या इंस्टाग्राम प्रोफाईलमध्ये लिहिले होते की, 'माझे प्रेम इतरांसारखे नाही, एकटा राहणार, फक्त तुझाच राहणार.'

 

इतर महत्वाची बातमी-