Bhandara Crime News: भंडारा पुन्हा हादरलं! पूर्ववैमनस्यातून तरुणाला संपवलं; दोन आठवड्यात दुसरी थरारक घटना, कायदा सुव्यवस्थेचे धिंडवडे
Bhandara Crime News : भंडारा शहरा शहरात नेमकं चाललंय तरी काय? असा प्रश्न आता सर्वसामान्य भंडाराकरांना पडला आहे. कारण भंडारा शहरात मध्यरात्री धारदार शस्त्रानं पुन्हा एका तरुणाची हत्या करण्यात आली.
Bhandara Crime News : भंडारा शहरा शहरात नेमकं चाललंय तरी काय? असा प्रश्न आता सर्वसामान्य भंडाराकरांना पडला आहे. कारण भंडारा शहरात मध्यरात्री धारदार शस्त्रानं पुन्हा एका तरुणाची हत्या (Crime News) करण्यात आली. 12 दिवसात घडलेल्या या थरारक दुसऱ्या हत्याकांडानं भंडारा जिल्हा हादरला असून नागरिकांमध्ये दहशतीचं वातावरण निर्माण झालंय. यातील पहिल्या घटनेत एका 30 वर्षीय तरुणाची धारदार शस्त्रानं हत्या (Bhandara Crime) करण्यात आली. रजत लिमजे (30) असं मृत तरुणांचं नावं आहे. घटनेची माहिती मिळताच भंडारा पोलीस प्रशासन तात्काळ ॲक्शन मोडमध्ये आलं. पोलीस डॉग स्कॉड आणि फॉरेन्सिक लॅबच्या पथकासह वरिष्ठ अधिकाऱ्यांनी घटनास्थळी धाव घेतली. फॉरेन्सिक टीमकडून घटनास्थळावरून महत्त्वाचे पुरावे गोळा करण्यात आले आहेत. या हत्याकांडानंतर भंडारा पोलिसांच्या डीबी पथकानं तपासाची चक्रे वेगानं फिरवली आणि काही तासांतच एका संशयित आरोपीला बेड्या ठोकल्या आहेत.दरम्यान, या तरुणाची हत्या का करण्यात आली? यामागं जुना वाद होता की, काही इतर कारण? याचा तपास आता पोलीस करत आहेत. (Bhandara Crime News)
Bhandara Crime : अतिक्रमणाच्या त्रासाला कंटाळून इसमाची आत्महत्या; स्वतः चित्रित केलेल्या व्हिडिओनं खळबळ
भंडारा जिल्ह्याच्या कारधा पोलीस ठाण्याच्या हद्दीत काल (18 मे) एका व्यक्तीचा मृतदेह आढळून आल्याने परिसरात खळबळ उडाली होती. सुरुवातीला पोलिसांनी या प्रकरणी आकस्मिक मृत्यूची नोंद केली होती. मात्र, मृताच्या नातेवाईकांनी घरी जाऊन त्याचा मोबाईल तपासला असता, या घटनेला एक वेगळेच वळण मिळाले आहे. मृत रमणसिंग बाच्छिल यांच्या मोबाईलमध्ये एक धक्कादायक व्हिडिओ पोलिसांना सापडला असून, यामध्ये त्याने आपल्या आत्महत्येचे कारण स्पष्ट केलं असून भंडारा शहरातील एक व्यावसायिक असलेले 'गुड्डू बैस' आणि त्याचा मुलगा यांनी केलेल्या अतिक्रमणामुळे आणि त्यांच्याकडून मिळणाऱ्या सततच्या मानसिक त्रासामुळे आपण अत्यंत नैराश्यात आलो होतो, म्हणूनच हे आत्महत्याचे टोकाचं पाऊल उचलत असल्याचं व्हिडिओत चित्रित केलं आहे.
दरम्यान, मृत व्यक्ती 15 तारखेला घरातून निघून गेली होती, ज्याबाबत 16 तारखेला भंडारा पोलीस ठाण्यात ती बेपत्ता असल्याची तक्रार देखील नोंदवण्यात आली होती. पोलिसांनी या प्रकरणात आत्महत्येस प्रवृत्त केल्याच्या कायद्याखाली गुन्हा दाखल केला असून पुढील तपास आता भंडारा पोलीस करत आहेत.
Bhandara Accident News : भंडाऱ्यात भरधाव ट्रॅक्टरनं पती-पत्नीला चिरडलं, पतीचा मृत्यू तर, पत्नी गंभीर
राष्ट्रीय महामार्ग ओलांडणाऱ्या दुचाकीस्वार पती-पत्नीला भरधाव ट्रॅक्टरनं जबर धडक दिली. या भीषण अपघातात पतीचा घटनास्थळीच मृत्यू झाला. तर, पत्नी गंभीर जखमी झाली. ही घटना भंडारा - नागपूर राष्ट्रीय महामार्गावरील चिखला फाटा इथं घडली. अपघातग्रस्त दाम्पत्य हे नागपूर जिल्ह्यातील मौदा तालुका अंतर्गत येणाऱ्या मोहाडी येथील आहे. प्रमोद घाटोळे (४०) असं मृतकाचं नावं असून अश्विनी (३८) असं गंभीर पत्नीचं नावं आहे. दोघेही पती-पत्नी हे त्यांच्या दुचाकीनं भंडाऱ्याकडे येत असताना हा भीषण अपघात घडला. याप्रकरणी जवाहरनगर पोलिसांनी ट्रॅक्टर चालकाला ताब्यात घेतलं असून पुढील तपास सुरू आहे.
इतर महत्वाच्या बातम्या
महत्त्वाच्या बातम्या
