EPFO : नोकरी सोडल्यानंतर Date of Exit ची चुकीची नोंद कशी दुरुस्त करायची? ईपीएफओ पोर्टलवर रेकॉर्ड अपडेट कसं करायचं?
EPFO : एखाद्या कंपनीतील नोकरी सोडल्यानंतर पीएफ खात्यात Date of Exit नोंदवावी लागते. ती नोंदवताना चूक झाल्यास अडचणी निर्माण होऊ शकतात.
EPFO नवी दिल्ली : नोकरी सोडताना कागदोपत्री अनेक गोष्टींची पर्तता करावी लागते. एखाद्या छोट्या चुकीकडे दुर्लक्ष केल्यास मोठं नुकसान होऊ शकतं. एखाद्या कंपनीमधील नोकरी सोडल्यानंतर पीएफ खात्यात नोकरी सोडल्याची तारीख नोंदवायची असते. ती तारीख नोंदवताना चूक झाल्यास अनेक अडचणी निर्माण होऊ शकतात. तु्ही नव्या कंपनीमध्ये रुजू झाल्यानंतर पीएफ खात्यातील रक्कम नव्या पीएफ खात्यात वर्ग करताना समस्या येऊ शकतात. त्यामुळं पीएफ खात्यातील चुकीची डेट ऑफ एक्झिट कशी दुरुस्त करायची हे जाणून घेणार आहोत.
पीएफ खात्यातील चुकीची डेट ऑफ एक्झिट तुमच्या नोकरीच्या कागदपत्रांमधील विसंगती दाखवून देते. कंपन्यांकडून करण्यात येणाऱ्या कागदपत्रांच्या पडताळणीवेळी समस्या निर्माण होऊ शकतात.
पीएफ खातेदार दुरुस्ती करु शकतात
पीएफ खातेदार आता त्यांची डेट ऑफ एक्झिट दुरुस्त करु शकतात. यासाठी जुन्या कंपनीला संपर्क करण्याची गरज राहिलेली नाही. ईपीएफओनं खातेदारांना त्यांची यूएएन लिंक्ड खात्याद्वारे डेट ऑफ एक्झिट दुरुस्त करण्याची परवानगी दिलेली आहे. चुकीची डेट ऑफ एक्झिट दुरुस्त करण्यापूर्वी ती दुरुस्ती करण्यास पीएफ खातेदार पात्र आहे की नाही हे पाहणं आवश्यक आहे.
मनीकंट्रोलच्या रिपोर्टनुसार ईपीएफओ खातेदार त्यांची डेट ऑफ एक्झिटची तारीख नोकरी सोडल्यानंतर दोन महिन्यांच्या कालावधीनंतर नोंदवू शकतात. ती तारीख कंपनीनं पीएफ शेवटचा पीएफ जमा केलेल्या तारखेच्या अगोदरची असून नये. पीएफ खातेदाराचं यूएएन खातं सक्रीय असलं पाहिजे. ते आधार क्रमांकासोबत लिंक देखील असावं. आधार लिंक्ड मोबाईल नंबर सक्रिय असावा. जो ओटीपीआधारित पडताळणीसाठी आवश्यक असेल.
तुम्ही जर डेट ऑफ एक्झिट नोंदवण्यास किंवा अपडेट करण्यास पात्र असाल तर ऑनलाइन पद्धतीनं ईपीएफओ मेंबर अकाऊंटद्वारे ते करु शकता. यासाठी प्रथम ईपीएफओ मेंबर पोर्टलवर यूएएन क्रमांक आणि पासवर्ड द्वारे लॉगीन करावं लागेल. यानंतर मॅनेज पर्यायवर क्लिक करावं तिथं मार्क एक्झिट हा ऑप्शन निवडावा.
नवी डेट ऑफ एक्झिट नोंदवण्यापर्वी तुमची सर्व्हिस हिस्ट्री चेक करावी. तिथं तुमच्या अगोदरच्या कंपनीनं टेट ऑफ एक्झिट नोंदवलीय का ते पाहावं. ती नोंद बरोबर आहे की चूक आहे हे तपासून घ्यावं. जर नोंद चुकीची असेल तर तुमच्याकडील कागदपत्रांची तपासणी करुन योग्य तारीख नोंदवावी. त्यासाठी रिलीव्हिंग लेटर, सॅलरी स्लीप आणि कागदपत्रांची तपासणी करावी.
तुम्ही योग्य डेट ऑफ एक्झिट नोंदवल्यानंतर, नोकरी सोडण्याचं योग्य कारण निवडावं. यानंतर तुम्हाला आधार आधारीत ओटीपी पडताळणी करावी लागेल. आधार पडताळणी झाल्यानंतर तुमची विनंती स्वीकारली जाईल.
दरम्यान, चुकीची डेट ऑफ एक्झिट तुम्हाला दुरुस्त न करता आल्यास ज्या कंपनीत काम करत होता तिथं संपर्क करुन त्यांना रेकॉर्ड दुरुस्त करायला सांगावे. त्या कंपनीकडून दुरुस्ती केली जात नसेल तर ईपीएफओकडे संपर्क करावा. तुम्हाला जेव्हा चूक लक्षात येईल तेव्हा ती दुरुस्त करुन घ्यावी.
पीएफ ऑनलाईन ट्रान्सफर करायचा असतो तेव्हा डेट ऑफ एक्झिट नोंदवलेली असणं आवश्यक असतं. डेट ऑफ एक्झिट नोंदवलेली नसणं किंवा चुकीच असल्यास समस्या निर्माण होऊ शकतात.
महत्त्वाच्या बातम्या
