एक्स्प्लोर

अनेकांचे whatasapp डाऊन, मेसेज जाईना, स्टेटसही अपलोड होईना !

डाऊनडिटेक्टरवरही अनेक व्हॉट्सअप युजर्संने व्हॉट्सअप डाऊन झाल्यासंदर्भात तक्रारी केल आहेत.

Written By : महेश गलांडे | Edited By: Mahesh M Galande | Updated at : 12 Apr 2025 06:18 PM (IST)

WhatsApp down for several users

Source : abp

जगभरातील सर्वात लोकप्रिय आणि तातडीचा संदेशवहन डिजिटल प्लॅटफॉर्म असलेल्या व्हॉट्सअपमध्ये (Whatsapp) अचानक तांत्रिक अडचण निर्माण झाल्याचे समोर आले आहे. जगभरातील बहुतांश व्हॉट्सअप युजर्संना संदेशवहन करण्यासाठी, स्टेटस ठेवण्यासाठी आणि मेसेजिंग अॅप खोलताना अडचणी आल्याचं पाहायला मिळालं. विशेष म्हणजे आज दुपारी 1 वाजताच्या सुमारास युपीआय ट्रान्झेक्शनमध्ये तांत्रिक अडचण झाली होती. 57 मिनिटानंतर युपीआय पूर्ववत सुरू झाले. मात्र, आता, सायंकाळी 5.30 वाजताच्या सुमारास व्हॉट्सअॅपमध्ये अडचण आल्याने नेटीझन्स युजर्सं (Netizens) काही काळ गोंधळल्याचं दिसून आलं. त्यामुळे, नेटीझन्स ट्विटरवरुन यासंदर्भात माहिती देत आहेत.

मार्क झुकरबर्ग यांच्या मालकीच्या मेटा कंपनीने व्हॉट्सप खरेदी केली आहे. दरम्यान, आज सायंकाळी काही युजर्संना मेसेज पाठविण्यासाठी, स्टेटस ठेवण्यासाठी अडचण येत होती. त्यामुळे, डाऊनडिटेक्टरवरही अनेक व्हॉट्सअप युजर्संने व्हॉट्सअप डाऊन झाल्यासंदर्भात तक्रारी केल आहेत. व्हॉट्सअप डाऊन झाल्यानंतर सोशल मीडियावर पुन्हा मिम्स आणि मजेशीर विनोद शेअर होताना दिसून येत आहेत. तसेच व्हॉट्सअप डाऊन झाल्याची माहिती देखील अनेकांनी ट्विटर आणि इतर सोशल मीडिया प्लॅटफॉर्मवरुन दिली आहे.

Is WhatsApp down ?

I have been trying to upload the status but it couldn’t. #WhatsApp #whatsappdown pic.twitter.com/Wuph0ETdLm
— Kumar Shubham (@its_ShubhamK) April 12, 2025

हेही वाचा

गळ्यात कवड्याची माळ, डोक्यावर मावळ्याची पगडी, खांद्यावर पालखी; अमित शाहांचे रायगडावरील हटके फोटो

About the author महेश गलांडे

महेश गलांडे हे पत्रकारिता क्षेत्रात गेल्या 14 वर्षांपासून कार्यरत असून डिजिटल इंडस्ट्रीतील 12 वर्षांचा प्रदीर्घ अनुभव त्यांच्या पाठीशी आहे. एकेकाळी गिरणगाव आणि सध्या ज्वारीचं कोठार म्हणून प्रसिद्ध असलेल्या सोलापूर जिल्ह्यातील बार्शीसारख्या ग्रामीण भागातून ते येतात, श्री भगवतांची बार्शी, म्हणून देखील हे गाव प्रसिद्ध आहे. ग्रामीण महाराष्ट्राची ओळख, शेती-मातीचे प्रश्न त्यांना अवगत आहेत.

याशिवाय, गिरणी कामगार कुटुंबाची पार्श्वभूमी असल्याने कामगारांचे प्रश्न, मोर्चे, आंदोलन, सामाजिक विषयाची जाण आहे. आपल्या पत्रकारितेच्या कारकि‍र्दीत आत्तापर्यंत 3 लोकसभा आणि 3 विधानसभा निवडणुकांचं कव्हरेज करण्याची संधी त्यांना मिळाली. त्यामुळे, ग्रामपंचायत ते संसदपर्यंतच्या निवडणुकांचा आणि महाराष्ट्राच्या राजकारणाचा अनुभवाधारित अभ्यास आहे.

सोलापूर विद्यापीठातून त्यांनी पत्रकारितेचं पदव्युत्तर शिक्षण घेतलं असून बार्शी ते मुंबई, व्हाया हैदराबाद असा त्यांचा पत्रकारितेतील प्रवास राहिला आहे. फॅक्सद्वारे बातमी पाठवणे ते डिजिटलपर्यंतचा बदल अनुभवला. यापूर्वी लोकमतमध्ये त्यांना लोकमत अचिव्हर्स अवॉर्डनेही सन्मानित केलं आहे. ह्युमन इंटरेस्टिंग स्टोरी, शेतकऱ्यांचे प्रश्न, राजकीय विश्लेषणात्मक बातम्यांची त्यांना चांगली समज आहे.

मीडियातील नाविन्यता, अपडेट्सबद्दल ते जागरुक असतात, AI तंत्रज्ञानाबाबतही ते अपडेट राहतात. सद्यस्थितीत ते एबीपी माझामध्ये डेप्युटी प्रोड्यूसर पदावर कार्यरत असून वेबसाईटवरील बातम्यांसह सोशल मीडियाचंही काम पाहतात.

Published at : 12 Apr 2025 06:14 PM (IST)

Tags :

Message Meta WhatsApp SOCIAL MEDIA