Share Market Updates : शेअर बाजारात विक्रीचा दबाव, सेन्सेक्स 400 अंकांनी घसरला
Share Market Updates : शेअर बाजारात आज विक्रीचा दबाव असून सेन्सेक्समध्ये 400 अंकांची घसरण झाली आहे.
Share Market Updates : शेअर बाजारात आजही विक्रीचा दबाव असल्याचे दिसून येत आहे. जागतिक शेअर बाजारात असलेले संमिश्र संकेत आणि गुंतवणूकदारांकडून सुरू असलेली विक्री यामुळे शेअर बाजारात घसरण असल्याचे दिसत आहे. युएस फ्यूचर्समध्ये आज 0.8-0.9 टक्क्यांची घसरण झाली आहे.
आज शेअर बाजारात बीएसई निर्देशांक सेन्सेक्स 155.60 अंकांच्या घसरणीसह 52,863 खुला झाला. तर, एनएसई निर्देशांक निफ्टी 76.55 अंकांच्या घसरणीसह 15,703 अंकांवर खुला झाला. सकाळी 9.45 वाजण्याच्या सुमारास सेन्सेक्स 490 अंकांच्या घसरणीसह 52,528.41 अंकांवर व्यवहार करत होता. तर, निफ्टी 143 अंकांच्या घसरणीसह 15,636.40 अंकांवर व्यवहार करत होता.
निफ्टी निर्देशांक 15700 अंकांच्या पातळीला ओलांडण्याचा प्रयत्न करत आहे. निफ्टी 50 पैकी 17 कंपन्यांच्या शेअर दरात तेजी असल्याचे दिसून येत आहे. तर, 37 शेअरमध्ये घसरण दिसत आहे. बँक निफ्टी 227 अंकांनी घसरण होऊन 0.68 टक्क्यांची घसरण दिसून येत आहे. बँक निफ्टी 33,197 च्या पातळीवर व्यवहार करत आहे.
सेक्टोरियल इंडेक्स
आज एफएमसीजी, मीडिया, रियल्टी, ऑइल अॅण्ड गॅस सेक्टरच्या शेअरमध्ये तेजी दिसून येत आहे. इतर सेक्टरमध्ये घसरण असल्याचे दिसत आहे.
इतर महत्त्वाच्या बातम्या:
महत्त्वाच्या बातम्या
