Share Market Opening Bell: शेअर बाजारात विक्रीचा दबाव; सेन्सेक्स, निफ्टी निर्देशांकात घसरण

Share Market Opening Bell: शेअर बाजारात आज विक्रीचा दबाव दिसत असून सेन्सेक्स, निफ्टीत घसरण झाली आहे.

Share Market Opening Bell: शेअर बाजारात विक्रीचा दबाव; सेन्सेक्स, निफ्टी निर्देशांकात घसरण

Share Market Opening Bell: शेअर बाजारातील व्यवहाराची आजची सुरुवात घसरणीने झाली. नफावसुलीमुळे विक्रीचा दबाव दिसत असून सेन्सेक्स (Sensex) आणि निफ्टी (Nifty) निर्देशांकात घसरण झाली आहे. गुरुवारी उच्चांक गाठणाऱ्या बँक निफ्टीत आज घसरण दिसून आली आहे. त्याशिवाय, स्मॉल कॅप आणि मिड कॅपमध्येही घसरण विक्रीचा दबाव दिसून येत आहे. 

मुंबई शेअर बाजाराचा निर्देशांक असलेला सेन्सेक्स  348.29  अंकांच्या घसरणीसह 59,585.72 अंकांवर खुला झाला आहे. तर निफ्टी निर्देशांक 80.602  अंकांच्या घसरणीसह 17,796.80 अंकांवर खुला झाला. सकाळी 9.30 वाजण्याच्या सुमारास सेन्सेक्स निर्देशांक 344 अंकांच्या घसरणीसह 59,589.23 अंकांवर व्यवहार करत होता. तर, निफ्टी निर्देशांक 95 अंकांच्या घसरणीसह 17,781.45 अंकांवर व्यवहार करत होता. 

प्री-ओपनिंग सत्रात सेन्सेक्स आणि निफ्टीत घसरण दिसून आली. बीएसईचा निर्देशांक सेन्सेक्समध्ये 239 अंकांची घसरण दिसली. तर, निफ्टी 148 अंकांच्या घसरणीसह 17729 अंकावर व्यवहार करत होता.  

सेन्सेक्समधील 30 पैकी 8 कंपन्यांच्या शेअर दरात तेजी दिसत असून 22 शेअर्समध्ये घसरण झाली आहे. तर, निफ्टीतील 50 पैकी 14 शेअर्समध्ये खरेदी दिसत असून 35 शेअर्समध्ये विक्रीचा जोर दिसत आहे. 

इंडसइंड बँक, बजाज फायनान्स, सन फार्मा, टायटन, एशियन पेंट्स, बजाज फिनसर्व्हसह टाटा स्टील आणि आयटीसी, एसबीआय आणि अल्ट्राटेक सिमेंटच्या शेअर दरात तेजी दिसून येत आहे. 

मारुती, कोटक बँक, आयसीआयसीआय बँक, एचयूएल, डॉ. रेड्डीज लॅब, एनटीपीसी, नेस्ले, रिलायन्स इंडस्ट्रीज, एचडीएफसी बँक, पॉवरग्रीड, भारती एअरटेल, एल अॅण्ड टी, एचसीएल टेक, अॅक्सिस बँक, इन्फोसिस बँक, एचडीएफसी, विप्रो, टीसीएस आदी कंपन्यांच्या शेअर दरात घसरण दिसून येत आहे. 

वेदांताच्या शेअर्समध्ये घसरण

वेदांता-फॉक्सकॉनचा सेमीकंडक्टर प्रकल्पच्या घोषणेनंतर वेदांताचे शेअर दर काही प्रमाणात वधारले होते. त्यानंतर  वेदांताची होल्डिंग कंपनी असलेल्या व्होल्कन इन्व्हेस्टमेंट्सचा हा प्रकल्प भाग असणार असल्याचे कंपनीने जाहीर केले. त्याच्या परिणामी आज वेदांताच्या शेअर दरात 6 टक्के घसरण दिसून आली. 

गुरुवारी घसरण 

गुरुवारी सकाळी बाजारात दिसून आलेला खरेदीचा जोर ओसरला आणि बाजारात विक्रीचा दबाव वाढला. जागतिक शेअर बाजारातील संकेत आणि गुंतवणूकदारांनी केलेली नफावसुली याच्या परिणामी शेअर बाजारात घसरण दिसून आली. बाजारातील व्यवहार थांबले तेव्हा सेन्सेक्स 59,934 अंकांवर तर निफ्टी  17,877 अंकांवर स्थिरावला.