Share Market Updates: शेअर बाजारातील तेजीला ब्रेक; नफा वसुलीने बाजारात घसरण
Share Market Updates: शेअर बाजारात आज नफा वसुलीने तेजीला ब्रेक लागला आहे. सेन्सेक्समध्ये आज घसरण दिसून आली आहे.
Share Market Updates: शेअर बाजारात दोन दिवस असलेल्या तेजीला आज ब्रेक लागला आहे. नफा वसुलीमुळे बाजारात घसरण झाल्याचे दिसून येत आहे. सेन्सेक्समध्ये 250 हून अधिक अंकांची घसरण झाली आहे. अमेरिकेतील शेअर बाजारात झालेल्या घसरणीचा परिणाम भारतीय शेअर बाजारावर दिसून येत आहे. गुंतवणुकदारांकडून आता विक्रीचा सपाटा सुरू आहे.
आज शेअर बाजार सुरू झाल्यानंतर सेन्सेक्समध्ये 315.02 अंकांची घसरण झाली आहे. त्याशिवाय, निफ्टीमध्ये 74.60 अंकांची घसरण झाली आहे. सकाळी 9.45 वाजण्याच्या सुमारास सेन्सेक्स 285 अंकांच्या घसरणीसह 52,875.60 अंकांवर व्यवहार करत होता. निफ्टी 15,745.55 अंकांवर व्यवहार करत असून 85 अंकांची घसरण झाली आहे.
आज निफ्टी 50 मधील 41 शेअरमध्ये घसरण झाल्याचे चित्र आहे. तर, 9 शेअरमध्ये तेजी आहे. बँक निफ्टीमध्ये 211.90 अंकांची घसरण दिसत आहे. बँक निफ्टी 35,599 अंकांवर व्यवहार करत होता.
सार्वजनिक क्षेत्रातील बँकांसह ऑइल अॅण्ड गॅस कंपन्यांच्या शेअर दरात तेजी दिसत आहे. तर, सर्व सेक्टर इंडेक्समध्ये घसरण दिसून येत आहे. सर्वाधिक घसरण ग्राहकोपयोगी वस्तूंच्या व्यवसायात दिसून येत आहे. आयटी क्षेत्रातील 1.09 टक्के आणि वित्तीय सेवांच्या शेअर दरात 0.90 टक्क्यांची घसरण दिसून येत आहे.
दरम्यान, सोमवारी, शेअर बाजारात सेन्सेक्स 433.30 अंकांच्या म्हणजेच 0.82 टक्क्यांच्या वाढीसह 53,161.28 वर बंद झाला. तर निफ्टी निर्देशांक 132.80 अंकांच्या म्हणजेच 0.85 टक्क्यांच्या वाढीसह 15,832.05 वर बंद झाला.
निफ्टी बँक, निफ्टी ऑटो, फायनान्शिअल सर्व्हिसेस, एफएमसीजी, निफ्टी आयटी, मीडिया, मेटल फार्मा, पीएसयू बँक, प्रायव्हेट बँक, रियल्टी, हेल्थकेअर, कंझ्युमर ड्युरेबल आणि ऑइल अॅण्ड गॅस सेक्टरमध्ये देखील वाढ झाली होती.
इतर महत्त्वाच्या बातम्या:
महत्त्वाच्या बातम्या
