कमी गुंतवणूक अधिक नफा! पोस्ट ऑफिसच्या 'या' पाच आहेत भन्नाट योजना, जाणून घ्या सविस्तर माहिती
या दिवाळीत तुमचे पैसे सुरक्षितपणे गुंतवायचे असतील आणि कायमस्वरूपी नफा मिळवायचा असेल, तर पोस्ट ऑफिस गुंतवणूक योजना तुमच्यासाठी एक उत्तम पर्याय ठरू शकतात.
Post Office Scheme : दिवाळी (Diwali 2025) हा सण संपत्ती आणि समृद्धीचे प्रतीक मानला जातो. या प्रसंगी प्रत्येकजण आपल्या घरात समृद्धी आणि देवी लक्ष्मीचा आशीर्वाद राहावा अशी इच्छा करतो. जर तुम्हालाही या दिवाळीत तुमचे पैसे सुरक्षितपणे गुंतवायचे असतील आणि कायमस्वरूपी नफा मिळवायचा असेल, तर पोस्ट ऑफिस गुंतवणूक योजना तुमच्यासाठी एक उत्तम पर्याय ठरू शकतात.
पोस्ट ऑफिस योजनेत सरकारची हमी असते. त्यामुळं त्यातील गुंतवणूक पूर्णपणे सुरक्षित मानली जाते. बाजारातील चढउतारांवर त्यांचा परिणाम होत नाही किंवा भांडवली तोट्याचा धोकाही नसतो. याव्यतिरिक्त, तुम्हाला कर सवलती आणि निश्चित व्याजदरांचा लाभ देखील मिळतो. जाणून घेऊयात भन्नाट पाच पोस्ट ऑफिस योजनांची माहिती.
पोस्ट ऑफिस मासिक उत्पन्न योजना
जर तुम्हाला निश्चित मासिक उत्पन्न हवे असेल, तर ही योजना तुमच्यासाठी योग्य आहे. या योजनेत 7.4 टक्के व्याजदर आहे. एका खात्यात जास्तीत जास्त ९ लाख रुपये गुंतवता येतात, तर संयुक्त खात्यात 15 लाख रुपये गुंतवता येतात. दरमहा खात्यात व्याज जमा होते, ज्यामुळे नियमित उत्पन्न मिळते.
सार्वजनिक भविष्य निर्वाह निधी
दीर्घकालीन सुरक्षित गुंतवणूक आणि कर बचतीचे फायदे देणारी ही योजना लोकप्रिय पर्याय आहे. पीपीएफ सध्या वार्षिक 7.10 टक्के व्याजदर देते. किमान गुंतवणूक रक्कम 500 आणि कमाल रक्कम 1.5 लाख रुपये प्रति वर्ष आहे. कालावधी 15वर्षे आहे आणि तो वाढवता येतो. कलम 80 सी अंतर्गत कर लाभ देखील उपलब्ध आहेत.
सुकन्या समृद्धी योजना
ही मुलीच्या भविष्यासाठी सर्वात लोकप्रिय योजना आहे. ती वार्षिक 8.20 टक्के व्याजदर देते. गुंतवणूक रक्कम 250 रुपये ते 1.5 लाक लाख रुपये प्रति वर्ष असू शकते. ही योजना मुलीचे शिक्षण आणि लग्न यासारख्या मोठ्या खर्चाची पूर्तता करण्यास मदत करते. ती कर लाभ देखील देते.
पोस्ट ऑफिस टाइम डिपॉझिट
ही योजना बँक एफडीसारखी काम करते, परंतु अधिक विश्वासार्ह आहे. तुम्ही 1, 2, 3 किंवा 5 वर्षांच्या कालावधीसाठी गुंतवणूक करू शकता. व्याजदर 1 वर्षासाठी 6.9 टक्के 2 आणि 3 वर्षांसाठी 7 टक्के आणि 5 वर्षांसाठी 7.5 टक्के आहे. गुंतवणूक किमान 1000 पासून सुरू करता येते आणि 5 वर्षांपर्यंतच्या ठेवी कलम 80 सी अंतर्गत कर-सवलतयोग्य आहेत.
राष्ट्रीय बचत प्रमाणपत्र
ही एक निश्चित उत्पन्न योजना आहे. जी सरकारद्वारे पूर्णपणे हमी दिली जाते. सध्या ती 7.7 टक्के व्याजदर देते आणि त्याची परिपक्वता कालावधी 5 वर्षांचा आहे. फक्त 1000पासून गुंतवणूक सुरू करता येते. कलम 80 सी अंतर्गत कर सूट उपलब्ध आहे.
महत्त्वाच्या बातम्या
