PM Kisan 20th Installment: पंतप्रधान नरेंद्र मोदींनी किसान सन्मान निधीचा 20 वा हप्ता सोडला; पटकन खातं करा चेक

PM Kisan 20th Installment: पंतप्रधान नरेंद्र मोदी यांनी आज बनारसमधून सर्व पात्र शेतकऱ्यांच्या खात्यात पीएम किसान सन्मान निधीचा 20 वा हप्ता हस्तांतरित केला आहे. या सर्व शेतकऱ्यांच्या खात्यात 2000 रुपये पाठवण्यात आले आहेत.

Written By : एबीपी माझा वेब टीम | Updated at : 02 Aug 2025 01:01 PM (IST)

PM Kisan 20th Installment

PM Kisan 20th Installment: पंतप्रधान नरेंद्र मोदी यांनी आज बनारसमधून पात्र शेतकऱ्यांच्या खात्यात पीएम किसान सन्मान निधीचा 20 वा हप्ता हस्तांतरित केला आहे. या सर्व शेतकऱ्यांच्या खात्यात 2000 रुपये पाठवण्यात आले आहेत. सरकारने 9.7 कोटींहून अधिक शेतकऱ्यांच्या खात्यात 20,500 कोटी रुपये हस्तांतरित केले आहेत.

आधार कार्डद्वारे तुम्ही रक्कम आली का ते तपासू शकता

पीएम किसान सन्मान निधीच्या लाभार्थ्यांनी प्रथम पीएम किसान PM Kisan वेबसाइटवर जावे. त्यानंतर तेथे (बेनिफिशिया स्टेटस)वर Beneficiaey Status क्लिक करा. आता तुमचा आधार क्रमांक आणि खाते क्रमांक विचारला जाईल. तुम्ही दोन्हीपैकी कोणताही एक भरून पुढे जाऊ शकता. डेटा मिळवा वर क्लिक केल्यावर, लाभार्थ्यांची यादी दिसेल. तसेच, देयकांची माहिती देखील समोर दिसेल.

जर पैसे आले नाहीत तर काय करावे?

ज्या शेतकऱ्यांना त्यांच्या खात्यात पैसे मिळाले नाहीत त्यांनी काळजी करण्याची गरज नाही. सर्वप्रथम, त्यांनी ई-केवायसी केले आहे की नाही ते तपासावे. जर ई-केवायसीची प्रक्रिया पूर्ण झाली नसेल तर प्रथम ती पूर्ण करा. सरकारने ई-केवायसी अनिवार्य केले आहे.

दरवर्षी 6000 रुपये मिळतात

प्रधानमंत्री किसान सन्मान निधी ही केंद्र सरकारची योजना आहे. तिचा पहिला हप्ता 2019 मध्ये हस्तांतरित करण्यात आला. तेव्हापासून, वर्षातून 2000 रुपयांचे तीन हप्ते पात्र शेतकऱ्यांच्या खात्यात हस्तांतरित केले जातात. या शेतकऱ्यांना सरकारकडून दरवर्षी 6000 रुपये मिळतात.