![ABP Premium](https://cdn.abplive.com/imagebank/Premium-ad-Icon.png)
23 मे रोजी 14 तासांसाठी NEFT मनी ट्रान्सफर सर्व्हिस बंद; RBIनं सांगितलं यामागचं कारण
एनईएफटीची सेवा 23 मे 2021 रोजी रात्री 12 वाजून एक मिनिटांपासून दुपारी 2 वाजेपर्यंत बंद राहणार आहे. रिझर्व्ह बँकेनं एक पत्रक जारी करत यासंदर्भात माहिती दिली. त्याचसोबत यासंदर्भात एक ट्वीटही केलं आहे.
![23 मे रोजी 14 तासांसाठी NEFT मनी ट्रान्सफर सर्व्हिस बंद; RBIनं सांगितलं यामागचं कारण NEFT money transfer facility will not be available for 14 hours on may 23 says reserve bank of india 23 मे रोजी 14 तासांसाठी NEFT मनी ट्रान्सफर सर्व्हिस बंद; RBIनं सांगितलं यामागचं कारण](https://feeds.abplive.com/onecms/images/uploaded-images/2021/04/14/e6dcff110b234fbbfe8ec4a4d45d06c1_original.jpg?impolicy=abp_cdn&imwidth=1200&height=675)
नवी दिल्ली : जर तुम्ही 23 मे रोजी ऑनलाईन पैसे ट्रान्सफर करणार असाल तर एकदा ही बातमी नक्की वाचा. भारतीय रिझर्व्ह बँक (Reserve Bank Of India-RBI) ने एनईएफटी (NEFT) बाबत एक महत्त्वाची माहिती दिली आहे. RBI नं दिलेल्या सुचनेनुसार, एनईएफटीची सेवा 23 मे 2021 रोजी रात्री 12 वाजून एक मिनिटांपासून दुपारी 2 वाजेपर्यंत बंद राहणार आहे. आरबीआयचं म्हणणं आहे की, एनईएफटीची प्रोसेस आणखी सुलभ करण्याच्या उद्देशानं एका दिवसासाठी ही सेवा बंद ठेवण्यात येणार आहे.
रिझर्व्ह बँकेनं एक पत्रक जारी करत यासंदर्भात माहिती दिली. त्याचसोबत यासंदर्भात एक ट्वीटही केलं आहे. RBI ने म्हटलं की, NEFT सर्व्हिसची सेवेची कार्यक्षमता आणि नियमन सुधारण्यासाठी टेक्निकल अपग्रेड केलं जात आहे. हे अपग्रेडेशन 22 मे 2021 रोजीचं काम बंद झाल्यानंतर केलं जाईल. त्यामुळे 22 मे रोजी रात्री 12 वाजल्यापासून रविवारी 23 मे रोजी दुपारी 2 वाजेपर्यंत NEFT सर्व्हिस उपलब्ध नसणार आहे.
आरबीआयने असेही म्हटले आहे की सदस्य बँका रविवारी एनईएफटी सेवेमध्ये उद्भवलेल्या अडथळ्यानुसार त्यांच्या ग्राहकांना त्यांच्या पेमेंट योजना बनविण्यास सांगू शकतात. एनईएफटी सदस्यांना एनईएफटी सिस्टमद्वारे अपडेट्स प्राप्त होतील. यावेळी आरटीजीएस (RTGS) सेवेवर परिणाम होणार नाही असेही केंद्रीय बँकेने म्हटले आहे.
RTGS आणि NEFT साठी आता बँकेची गरज भासणार नाही
दरम्यान, केंद्रीय बँक आरबीआयने आर्थिक वर्ष 2021-22 च्या पहिल्या आर्थिक धोरणात (RBI Monetary Policy) हा महत्त्वाचा निर्णय घेतला आहे. रिझर्व्ह बँकेद्वारे नॉन-बँक पेमेंट संस्थांसाठी संचालित केंद्रीय भरणा प्रणाली आरटीजीएस आणि एनईएफटी (NEFT) च्या सदस्यत्वासाठी परवानगी दिली आहे. आरबीआयच्या या प्रस्तावामुळे पीपीआय, कार्ड नेटवर्क, वाइड लेव्हल एटीएम ऑपरेटर यांसारख्या नॉन-बँक पेमेंट सिस्टम देखील मध्यवर्ती बँकेद्वारे संचालित आरटीजीएस आणि एनईएफटीचं सदस्यत्व घेऊ शकतील.
महत्त्वाच्या इतर बातम्या :
- TATA Group 'No Limit' Help : कोरोनाच्या संकटात मदतीसाठी टाटा समूहाचा पुढाकार, 'नो लिमिट' योजनेअंतर्गत 2000 कोटींची गुंतवणूक
- Dogecoin | डॉजकॉईन काय आहे? त्याच्या किंमतीत अचानक का वाढ होतेय?
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)