Banking Benefits To Air Force: हवाई दलाने पीएनबी बँकेशी केला खास करार, अपघात विमासह मिळणार 'या' सुविधा

Banking Benefits for Air Force Officers: भारतीय हवाई दलाने (IAF) सार्वजनिक क्षेत्रात काम करणाऱ्या पंजाब नॅशनल बँकसोबत (PNB) एक करार केला आहे.

Air Force

Banking Benefits for Air Force Officers: भारतीय हवाई दलाने (IAF) सार्वजनिक क्षेत्रात काम करणाऱ्या पंजाब नॅशनल बँकसोबत (PNB) एक करार केला आहे. बँकेच्या फ्लॅगशिप स्कीम पीएनबी रक्षक प्लस अंतर्गत संरक्षण सेवेतील कर्मचार्‍यांना विशेषतः डिझाइन केलेली उत्पादने प्रदान करण्यासाठी हा करार करण्यात आला आहे. या योजनेत संरक्षण सेवेतील कर्मचारी, सेवानिवृत्त आणि प्रशिक्षणार्थी तसेच सशस्त्र दल, केंद्रीय पोलीस लष्करी दल, राज्य पोलीस दल, मेट्रो पोलीस यांच्यातील सेवानिवृत्त निवृत्तीवेतनधारकांसाठी वैयक्तिक अपघात विमा आणि हवाई अपघात विमा समाविष्ट करण्यात आला आहे. दिल्लीतील भारतीय वायुसेनेच्या सभागृहात झालेल्या एका कार्यक्रमात PNB चे सीईओ अतुल कुमार गोयल आणि हवाई दल प्रमुख, एअर चीफ मार्शल विवेक राम चौधरी, PVSM, AVSM, VM, ADC यांच्यात सामंजस्य कराराची देवाणघेवाण झाली. 

9 शहिदांच्या स्मरणार्थ विशेष शाखा

पीएनबीचे सीईओ अतुल कुमार गोयल म्हणाले, “हा एक ऐतिहासिक क्षण आहे, जो PNR कुटुंबाला देशसेवा करण्याची संधी देत ​​आहे. सध्या पीएनबी देशभरात पसरलेल्या 120 कॅन्टोन्मेंट शाखांद्वारे सशस्त्र दलांना मदत करत आहे. यापैकी 9 शहीद जवानांच्या स्मरणार्थ विशेष शाखांमध्ये रूपांतरित करण्यात आल्या आहेत. जे सैन्य दलातील जवानांची योग्य काळजी घेत आहेत.

पीएनबी रक्षक प्लसमध्ये कोणते फायदे मिळणार?

• वैयक्तिक अपघात (मृत्यू) विमा संरक्षण 50 लाखांपर्यंत.
• हवाई अपघात (मृत्यू) विमा संरक्षण 100 लाखांपर्यंत.
• 50 लाख रुपयांपर्यंत वैयक्तिक अपघात संरक्षण.
• व्यवहारावर कोणतेही रोख हाताळणी शुल्क नाही. 
• मागील 3 महिन्यांच्या एकूण पगार/पेन्शनच्या बरोबरीने ओव्हरड्राफ्ट सुविधा, गृहकर्ज, कार, शैक्षणिक आणि वैयक्तिक कर्जावरील व्याजदरात सवलत.
• कोणत्याही प्रमुख शैक्षणिक संस्थेत किंवा लष्करी शिक्षण संस्थांमध्ये प्रवेश घेणाऱ्या मुलांचे पालक प्राथमिक खातेधारक असल्यास PNB प्रतिभा योजनेअंतर्गत शैक्षणिक कर्ज उपलब्ध आहे.

 

• कोणत्याही प्रमुख शैक्षणिक संस्थेत किंवा लष्करी शिक्षण संस्थांमध्ये प्रवेश घेणाऱ्या मुलांचे पालक प्राथमिक खातेधारक असल्यास PNB प्रतिभा योजनेअंतर्गत शैक्षणिक कर्ज उपलब्ध आहे.