Trade Deal : भारताचा नवा विक्रम, एका वर्षात 5 व्यापार करार, जागतिक जीडीपीत 50 टक्क्यांहून अधिक भागिदारी
Trade Deal : भारत आणि अमेरिका यांच्यात व्यापारी कराराबाबत सहमती झाल्याची घोषणा अमेरिकेचे अध्यक्ष डोनाल्ड ट्रम्प यांनी केली आहे.
नवी दिल्ली : भारतानं काही दिवसांपूर्वी यूरोपियन यूनियन सोबत मदर ऑफ ऑल डील्स नावाच्या व्यापार कराराची घोषणा केली होती. त्यानंतर काहीच दिवसात भारत आणि अमेरिका यांच्यातील व्यापार कराराची घोषणा करण्यात आली आहे. भारतानं एका वर्षात 5 व्यापार करार केले आहेत. याची जागतिक जीडीपीतील भागिदारी 50 टक्क्यांपेक्षा अधिक आहे. अमेरिका भारताचा सर्वात मोठा व्यापारी भागीदार आहे. 2025 मध्ये भारातनं एकूण निर्णयातीपैकी 20 टक्के निर्यात अमेरिकेला होता.
भारताचे एका वर्षात 5 व्यापार करार
अमेरिकेचे अध्यक्ष डोनाल्ड ट्रम्प यांनी पंतप्रधान नरेंद्र मोदी यांच्यासोबत काल फोनवरुन चर्चा केली. यानंतर भारतावरील टॅरिफ 25 टक्क्यांवरुन 18 टक्क्यांवर आणत असल्याचं जाहीर केलं. इकोनॉमिक्स टाइम्स च्या वृत्तानुसार भारतावर रशियन तेल खरेदीमुळं लावण्यात आलेले टॅरिफ देखील रद्द करण्यात येणार आहे. 2030 पर्यंत भारत आणि अमेरिका यांच्यातील व्यापार 500 अब्ज डॉलर्स पर्यंत वाढवण्याचं लक्ष आहे.
भारतानं काही दिवसांपूर्वी यूरोपियन यूनियन सोबत मुक्त व्यापार करारावर शिक्कामोर्तब केलं. 2007 पासून यूरोपियन यूनियन सोबत मुक्त व्यापार करारासाठी चर्चा सुरु होती. भारतानं त्यापूर्वी ब्रिटन, ओमान आणि न्यूझीलंड सोबत व्यापार करार केले आहेत.
2025 मध्ये जागतिक जीडीपीतील भागीदारी पाहिली तर भारत, अमेरिका, यूरोपियन यूनियन, यूके, ओमान आणि न्यूझीलंड मिळून 50 ते 55 टक्क्यांपर्यंत जाते. यूरोपियन यूनियनची टक्केवारी 25 टक्के आहे.
अमेरिका जगातील सर्वात मोठी भागीदारी आहे. यूरोपियन यूनियन दुसरी मोठी अर्तव्यवस्था आहे. तर, भारत जगातील चौथ्या क्रमांकाची अर्थव्यवस्था आहे. ब्रिटन आता पाचवं स्थान पटकवणार आहे. म्हणजेच जगातील मोठे समूह व्यापार कराराच्या माध्यमातून भारातसोबत जोडले जाणार आहेत.
भारतानं याशिवाय काही देशांसोबत प्रादेशिक व्यापार करार करार, मुक्त व्यापार केलेले आहेत. ज्यामध्ये जपान, दक्षिण कोरिया, एशिअन, सार्क, मॉरिशस, संयुक्त अरब अमिरात, ऑस्ट्रेलियाचा समावेश आहे.
दरम्यान, भारत आणि अमेरिका यांच्यातील व्यापार करार होणार हे निश्चित झाल्याचा परिणाम भारतीय शेअर बाजारात पाहायला मिळाला. शेअर बाजारात सेन्सेक्सवर उसळी पाहायला मिळाली. सेन्सेक्स 2400 अंकांनी वधारला तर निफ्टी मध्ये 700 अंकांची वाढ झाली. याशिवाय सोने आणि चांदीच्या दरात देखील वाढ झाल्याचं पाहायला मिळालं आहे.
(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)
महत्त्वाच्या बातम्या
