Gold Silver Rate : सोन्या-चांदीच्या दरात किरकोळ बदल, जाणून घ्या आजचा भाव

Gold Silver Price : आंतरराष्ट्रीय स्तरावरील कमी होणारी गुंतवणूक आणि डॉलरचे बळकटीकरण यामुळे सोन्याच्या किंमतीत घट होताना दिसत आहे.

gold

मुंबई : सोमवारच्या तुलनेत आज सोन्या-चांदीच्या दरात अगदीच किरकोळ बदल झाल्याचं दिसून येतंय. कालच्या तुलनेत सोन्याच्या किंमतीत केवळ 10 रुपयांची वाढ झाली आहे.  मुंबई आणि पुण्यात आज 10 ग्रॅम 24 कॅरेट सोन्याचा भाव हा 47,440 रुपये इतका आहे तर 22 कॅरेट सोन्याचा भाव हा 46,440 रुपये इतका आहे. चांदीच्या किंमतीने या आधीच सत्तर हजारी पार केली आहे. कालच्या तुलनेत आज चांदीच्या किंमतीत 100 रुपयांची घसरण झाली असून आता एक किलो चांदीसाठी 70,300 रुपये मोजावे लागतील. 

आंतरराष्ट्रीय स्तरावर सोन्यामधील गुंतवणूक कमी झाली आहे, तसेच डॉलरच्या किंमतीच्या बळकटीकरणाचा परिणाम सोन्याच्या मागणीवर नकारात्मक झाला असून त्यामुळे सोन्याच्या किंमतीत सातत्याने घट होत आहे. गेल्या दोन महिन्यांमध्ये सोन्याच्या भावात घसरण झाल्याचं पहायला मिळतंय. पण येत्या काळात ही किंमत वाढण्याची शक्यता आहे असा अंदाज व्यक्त केला जातोय

सध्या सोन्याच्या किंमती आवाक्यातील असून त्यामध्ये गुंतवणूक करण्याचा हाच योग्य काळ असल्याचं मत काही तज्ज्ञांनी व्यक्त केलंय. येत्या काळात सोन्याच्या किंमती पुन्हा वाढण्याची शक्यता आहे असा अंदाजही त्यांनी व्यक्त केला आहे. 

गेल्या आठवड्याचा विचार करता चांदीमध्ये मोठी चढ-उतार पहायला मिळाली आहे. 30 जून रोजी चांदीमध्ये 400 रुपयांची घट झाली होती. त्यानंतर 1 जुलैला 1100 रुपये, 3 जुलैला 700 रुपये तर काल, 5 जुलैला 1200 रुपयांनी चांदीच्या दरात वाढ झाली आहे. 

गेल्या वर्षी ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यानंतर सोन्याच्या भावामध्ये आता जवळपास नऊ हजार रुपयांची घसरण झाल्याची पहायला मिळतंय. कोरोनाच्या प्रादुर्भावाचा सोन्याच्या दरावर चांगलाच परिणाम झाल्याचं दिसून आलंय.

महत्वाच्या बातम्या :