सोने खरेदीदारांना दिलासा ,आज दरात घसरण, कोणत्या शहरात किती दर? जाणून घ्या सविस्तर माहिती

सोन्याच्या दरात (Gold Price) सातत्याने चढ उतार होत आहे. सध्या सोन्याच्या दरात लाखाचा टप्पा ओलांडला आहे. त्यामुळं खरेदीरांच्या शिखाला मोठा फटका बसत आहे.

Gold Price

Source : Getty Images

Gold Price : सोन्याच्या दरात (Gold Price) सातत्याने चढ उतार होत आहे. सध्या सोन्याच्या दरात लाखाचा टप्पा ओलांडला आहे. त्यामुळं खरेदीरांच्या शिखाला मोठा फट
का बसत आहे. दरम्यान, आज सोन्याच्या दरात थोडी घसरण झाली आहे. त्यामुळं सोने खरेदी करणाऱ्यांना किंचीत दिलासा मिळाला आहे. जाणून घेऊयात कोणत्या शहरात सोन्याचे काय दर आहेत, त्याबाबतची सविस्तर माहिती.

दोन महिन्यांत दुसऱ्यांदा ऐतिहासिक 1 लाख रुपयांचा टप्पा गाठल्यानंतर, मंगळवारी 17 जून 2025 रोजी सोन्याच्या किंमतीत पुन्हा एकदा घसरण झाली आहे. 22 कॅरेट सोने प्रति 10 ग्रॅम 93040 रुपये दराने विकले जात आहे, तर 24 कॅरेट सोने 101670 रुपये दराने विकले जात आहे. तर चांदीच्या किमतीतही वाढ होत आहे. चांदीचे दर 101500 रुपये प्रति किलो दराने व्यवहार करत आहे.

तुमच्या शहरात सोन्याचे दर काय?

आर्थिक राजधानी मुंबईत 22  कॅरेट सोने प्रति १० ग्रॅम 93040 रुपये दराने विकले जात आहे. कोलकाता, बंगळुरु, चेन्नई आणि हैदराबादमध्येही हाच दर आहे. तर राष्ट्रीय राजधानी दिल्लीमध्ये 22 कॅरेट सोने 93190 रुपये दराने व्यवहार करत आहे. कोलकाता, दिल्ली आणि मुंबईत चांदीची किंमत समान आहे आणि ती रु. 109800 प्रति किलो. तर हैदराबाद आणि चेन्नईमध्ये त्याची किंमत 119800 रुपये प्रति किलो आहे.

सोन्याची किंमत कशी ठरवली जाते? 

सोन्याच्या म्हणजेच पिवळ्या धातूच्या किंमती निश्चित करण्यामागे अनेक घटक असतात, जसे की आंतरराष्ट्रीय बाजारपेठेतील चढउतार. याशिवाय, विनिमय दर, डॉलरची किंमत आणि जागतिक परिस्थिती. जर आंतरराष्ट्रीय जगात अशांतता असेल तर गुंतवणूकदार शेअर बाजारापासून दूर राहतात आणि सोन्यात अधिक गुंतवणूक करतात. ते सुरक्षित गुंतवणुकीसाठी ते सर्वात योग्य मानतात. तसेच लग्नापासून ते सणांपर्यंत सोने खूप शुभ मानले जाते. म्हणूनच, लोक त्या दिवशी मोठ्या संख्येने ते खरेदी करतात. याशिवाय, कुटुंबात सोन्याची उपस्थिती देखील त्या कुटुंबाच्या समृद्धीचे प्रतीक मानली जाते. हेच कारण आहे की प्रत्येक परिस्थितीत, कितीही महागाई असली तरी, सोने चांगले परतावा देत असल्याचे सिद्ध झाले आहे.

इस्त्रायलनं इराणवर हल्ला केल्यानं भू राजकीय तणाव वाढला आहे. ज्यामुळं गुंतवणूकदारांनी पुन्हा सोन्यातील गुंतवणुकीकडे मोर्चा वळवला आहे. त्यामुळं सोन्याच्या दरात तेजी आली आहे. क्रूड ऑईलच्या दरात 13 टक्क्यांची तेजी आली आहे. यामुळं जगभरात पुन्हा आर्थिक संकट वाढलं आहे. डॉलर इंडेक्समध्ये देखील कमजोरी पाहायला मिळाली. वाढत्या तणावाच्या काळात जगातील विविध देशांकडून सोन्याचा साठा करण्यावर भर दिला जातो. सध्या चीन आणि भारताकडून मोठ्या प्रमाणावर खरेदी होत आहे. त्यामुळं सोन्याच्या दरात तेजी आली आहे. 

महत्वाच्या बातम्या: