ITR पोर्टलविरोधात असंतोष, ITR दाखल करण्यासाठी मुदतवाढीची मागणी; सोशल मीडियावर ट्रेंड

Income Tax Return Filing:  आयकर विवरणपत्र दाखल करण्याची शेवटची तारीख 31 डिसेंबर आहे. मात्र, ही मुदत वाढवण्याची मागणी केली जात आहे.

ITR पोर्टलविरोधात असंतोष, ITR File मुदतवाढीसाठी सोशल मीडियावर ट्रेंड

Income Tax Return Filing:  आर्थिक वर्ष 2020-21 करीता आयकर विवरणपत्र दाखल  (Income Tax Return filing)करण्यासाठी आता शेवटचे काही दिवस उरले आहेत. तर, दुसरीकडे आयकर खात्याच्या वेबपोर्टलविरोधात असंतोष वाढत आहे. ITR दाखल करण्यासाठी शेवटची मुदत 31 डिसेंबर आहे. ही मुदत वाढवण्याची मागणी करण्यात येत आहे. यासाठी सोशल मीडियावर #Extend_Due_Date_Immediately हा हॅशटॅग ट्रेंडही करण्यात आला. 

केंद्र सरकारने याआधी Income Tax Return दाखल करण्याची मुदत ही 31 जुलैहून 30 सप्टेंबर आणि त्यानंतर आता 31 डिसेंबर केली होती.  Income Tax Return दाखल करताना वेबसाइटवर येणाऱ्या अडचणींमुळे काही दिवस साइट बंद होती. त्यामुळे ही मुदतवाढ देण्यात आली होती. त्यानंतर आता पुन्हा एकदा करदात्यांनी मुदतवाढीची मागणी केली आहे. आताही ITR दाखल करताना वेबसाइटमध्ये तांत्रिक समस्या उद्भवत असल्याची तक्रार करण्यात येत आहे. 

सीए, वैयक्तिरीत्या ITR दाखल करणाऱ्यांनी सोशल मीडियावर #Extend_Due_Date_Immediately हा हॅशटॅग ट्रेंड केला. अनेकांनी उपरोधिकपणे सरकारवर  टीकाही केली आहे. एका ट्विटर युजरने म्हटले की, 31 डिसेंबर ही शेवटची मुदत ITR चे सॉफ्टवेअर विकसित करणाऱ्यांसाठी आहे. करदात्यांना पुरेसा वेळ न मिळाल्याने ही मुदत करदात्यांसाठी नाही, असेही त्यांनी म्हटले. अनेकांनी मीम्सही तयार केले आहेत. 

 

Thank you @Infosys and @IncomeTaxIndia for such a wonderful portal, new errors and new glitches every day.#Extend_Due_Date_Immediately pic.twitter.com/xjuWuovmM9

— CA Chintan Dave (@ImCA_Chintan) December 21, 2021

On faults of Portal

🇺🇸 We understand that the Portals aren't working fine and we are in the process of removing the bugs.

🇮🇳 Silent Mode ON

😂😂 #Extend_Due_Date_Immediately #Extension_दो_भीख_नहीं pic.twitter.com/AiudB88omQ

— CA AK Mittal (@CAamanmittal) December 28, 2021

Glitches, technical failure, beyond capacity, bugs, errors, UDIN deferred ….many more . Picture abhi baki hai Babu Moshay @IncomeTaxIndia @nsitharaman @PMOIndia @Infosys #Extend_Due_Date_Immediately pic.twitter.com/g8kQxigVuR

— CA Amresh Vashisht (@caamresh) December 27, 2021

दरम्यान, आयकर विभागाने सांगितले की, 27 डिसेंबरपर्यंत एकूण 4,67,45,249 ITR दाखल करण्यात आले आहे. मागील काही दिवसांपासून आयकर विभागाने विवरणपत्र दाखल करण्यासाठी शेवटच्या दिवसाची प्रतिक्षा न करण्याचे आवाहन केले होते. शक्य होईल तेवढ्या लवकर विवरणपत्र दाखल करावे असे आवाहन आयकर विभागाने केले होते. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha