खरबुजाची लागवड करा, तीन महिन्यात लाखो रुपये कमवा
Agri Business Idea: तुम्हाला जर कमी कालावधीत शेतीतून मोठी कमाई करायची असेल, तर खरबूज हे पीक तुमच्यासाठी फायदेशीर ठरेल.
Agri Business Idea: तुम्हाला जर कमी कालावधीत शेतीतून मोठी कमाई करायची असेल, तर खरबूज हे पीक तुमच्यासाठी फायदेशीर ठरेल. खरबुजाचा वापर हा कच्चे झाल्यावर भाजी म्हणून आणि पिकल्यावर फळ म्हणून देखील केला जातो. इतर फळांच्या तुलनेत हे स्वस्त असून त्याला मागणीही चांगली आहे. या पिकाची लागवड केल्यापासून अवघ्या तीन महिन्यात या पिकातून उत्पन्न सुरु होते. खरबुजाचाी लागवड प्रामुख्याने उत्तर प्रदेश, पंजाब, राजस्थान, हरियाणा, महाराष्ट्र, बिहार आणि मध्य प्रदेशातील उष्ण आणि कोरड्या भागात केली जाते.
राजस्थानमध्ये खरबूजाची लागवड मोठ्या प्रमाणात केली जाते. त्याची लागवड प्रामुख्याने नद्यांच्या काठावर केली जाते. खरबुज हे एक स्वादिष्ट फळ असून उन्हाळ्यात या पिकाला मोठी मागणी असते. त्यात व्हिटॅमिन सी आणि साखर मुबलक प्रमाणात असते.
पेटा लागवड तंत्राचा वापर करून खरबूजाची लागवड
पेटा काष्टामध्ये संरक्षित पाण्याची मर्यादित उपलब्धता आणि जमिनीची उच्च सुपीकता यामुळे, खरबूज पिकामध्ये कोणतेही खत वापरले जात नाही. त्यामुळं खरबुजाचा नैसर्गिक सुगंध आणि चव कायम राहते. कडक उन्हात त्याच्या गोडव्याने लोकांना ताजेतवाने वाटते. यामुळेच लोक सामान्य खरबुजापेक्षा पेटा काष्टा खरबुजाला अधिक महत्त्व देतात. या गुणवत्तेमुळं पेटा काष्ठचे खरबूज बाजारात चांगल्या दरानं विकले जाते.
दोन ओळीमध्ये 4 फुटाचे अंतर
खरबुजाची लागवड करताना 10 ते 15 सेमी आकाराचे खड्डे तयार केले जातात. दोन ओळीमध्ये 4 फुटाचे अंतर ठेवले जाते. एका रोपापासून दुसऱ्या रोपापर्यंतचे अंतर हे 1 ते 1.25 फूट ठेवले जाते. पेटा काष्टामध्ये दक्षिण-पश्चिम दिशेला रेषा काढल्या जातात. उन्हाळ्यात, या दिशेने जोरदार वारे वाहतात, ज्यामुळे माती आणि आर्द्रता नष्ट होते. ही धूप रोखण्यासाठी, दोन ओळींच्या मध्ये कोरड्या स्थानिक वनस्पतींची एक पवनरोधक रेषा, सिनिया आणि खिंप, अशा प्रकारे उभी केली जाते की जोरदार वारा ओलावा उडवू नये.
या जातीच्या खरबूजाची लागवड फायदेशीर
'कजरी' जातीच्या खरबूजाची लागवड फायदेशीर ठरते. बहुतेक खरबूज बागेत पेरले जाते. अनेक कंपन्या आणि शेतकरी त्यांचे बियाणे स्वतः साठवून ठेवतात. कजरी जातीचा खरबूज गडद हिरव्या ते हलका तपकिरी रंगाचा असतो आणि त्यावर काळे आणि पांढरे पट्टे असतात. सरासरी, एका फळाचे वजन 500 ग्रॅम ते 1 किलो पर्यंत असते. कमी वजन आणि लहान आकारामुळे फळे जास्त काळ ताजी राहतात.
तीन महिन्यांत लाखोंची कमाई
पेरणीनंतर अडीच ते तीन महिन्यांनी खरबूज बाजारात विकायला मिळतात. फेब्रुवारी-मार्चमध्ये लागवड केलेल्या खरबुजाच्या बागेतून जूनपर्यंत आवक सुरू राहते. एक एकर खरबूज लागवडीतून शेतकरी 2 लाख रुपयांपेक्षा जास्त नफा मिळवू शकतात.
महत्त्वाच्या बातम्या
