शेतकऱ्यांसाठी मोठी बातमी, 'या' दिवशी करोडो शेतकऱ्यांच्या खात्यावर जमा होणार पैसे
देशातील करोडो शेतकऱ्यांसाठी आनंदीचा बातमी आहे. जे शेतकरी पंतप्रधान किसान सन्मान योजनेसाठी (PM Kisan Samman Nidhi) पात्र आहेत, अशा शेतकऱ्यांना या योजनेचा हप्ता मिळण्याची तारीख ठरली आहे.
PM Kisan Samman Nidhi : देशातील करोडो शेतकऱ्यांसाठी आनंदीचा बातमी आहे. जे शेतकरी पंतप्रधान किसान सन्मान योजनेसाठी (PM Kisan Samman Nidhi) पात्र आहेत, अशा शेतकऱ्यांना या योजनेचा हप्ता मिळण्याची तारीख ठरली आहे. येत्या 28 फेब्रुवारी 2024 रोजी म्हणजे म्हणजे पुढच्याच आठवड्यात पंतप्रधान किसान सन्मान योजनेचा 16 वा हप्ता शेतकऱ्यांच्या खात्यात जमा केला जाणार आहे.
पंतप्रधान किसान सन्मान योजने अंतर्गत गरीब शेतकऱ्यांना आर्थिक पाठबळ देण्याचे सरकारचे उद्दीष्ट आहे. या योजनेद्वारे शेतकऱ्यांना वार्षिक 6000 रुपयांची मदत केली जाते. या दर चार महिन्याला शेतकऱ्यांच्या खात्यात 2000 रुपयांची मदत हस्तांतरीत केली जाते.
15 नोव्हेंबर 2023 ला 15 वा हप्ता जमा
यापूर्वी, 15 नोव्हेंबर 2023 रोजी, पंतप्रधान नरेंद्र मोदी यांनी 8 कोटींहून अधिक शेतकऱ्यांना प्रधानमंत्री किसान सन्मान निधी (पीएम-किसान) योजनेअंतर्गत 15 वा हप्ता जारी केला होता. त्यानंतर शेतकऱ्यांच्या खात्यात 18 हजार कोटींहून अधिक रक्कम जमा झाली होती.
28 फेब्रुवारीला मिळणार पीएम किसानचा 16 वा हप्ता
पीएम किसान योजनेचा 16 हप्ता 28 फेब्रुवारी 2024 रोजी जारी केला जाणार आहे. या तारखेला पात्र शेतकऱ्यांच्या खात्यात रोख रक्कम जमा केली जाणार आहे.पीएम किसान नोंदणीकृत शेतकऱ्यांसाठी eKYC अनिवार्य आहे. OTP आधारित eKYC PMKisan पोर्टलवर उपलब्ध आहे किंवा बायोमेट्रिक आधारित eKYC साठी जवळच्या CSC केंद्रांशी संपर्क साधा. EKYC आवश्यक आहे कारण PM किसान योजनेचे फायदे त्यांच्या आधारशी लिंक केलेल्या बँक खात्यापर्यंत कोणत्याही मध्यस्थाशिवाय पोहोचले पाहिजेत. पंतप्रधान किसान सन्मान निधी योजनेचा 16 वा हप्ता माननीय पंतप्रधान नरेंद्र मोदी यांच्या हस्ते 28 फेब्रुवारी 2024 रोजी राज्यातील यवतमाळ जिल्ह्यातून हस्तांतरित केला जाणार आहे. हा हप्ता थेट शेतकऱ्यांच्या बँक खात्यात डीबीटीद्वारे हस्तांतरित केला जाणार आहे.
2019 मध्ये PM किसान योजना सुरु
2019 मध्ये भारत सरकारने पंतप्रधान किसान सन्मान निधी योजना सुरू केली होती. तेव्हापासून केंद्र सरकारने या योजनेअंतर्गत शेतकऱ्यांना 15 हप्ते जारी केले आहेत. योजनेअंतर्गत, भारत सरकार वर्षातून तीन वेळा 2000 चे तीन हप्ते जारी करते. म्हणजे एका वर्षात 6000 दिले जातात. आता शेतकऱ्यांना 16 व्या हप्त्याची प्रतीक्षा होती. पण आता 16 व्या हप्त्याची तारीख देखील निश्चित झाली आहे. पुढच्या आठवड्यात 28 फेब्रुवारीला PM किसानचा 16 वा हप्ता शेतकऱ्यांच्या खात्यात जमा होणार आहे.
महत्वाच्या बातम्या:
दिलासादायक! मका उत्पादक शेतकऱ्यांसाठी मोठी बातमी, इथेनॉल निर्मितीसाठी मकेची होणार खरेदी; पण दर किती?
महत्त्वाच्या बातम्या
