Weekly Horoscope : तूळ, वृश्चिक, धनु, मकर, कुंभ आणि मीन राशींसाठी जुलै महिन्याचा तिसरा आठवडा कसा असणार? साप्ताहिक राशीभविष्य
Weekly Horoscope 14 To 20 July 2025 : तुमचा हा आठवडा तुमच्यासाठी कसा राहील? तुमचा व्यवसाय, करिअर, आरोग्य आणि लव्ह लाईफ या काळात कशी असेल? तूळ ते मीन राशींचे साप्ताहिक राशीभविष्य जाणून घ्या.
Weekly Horoscope 14 To 20 July 2025 : ज्योतिषशास्त्रानुसार, जुलै महिन्याचा तिसरा आठवडा लवकरच सुरु होणार आहे. हा आठवडा ग्रहांच्या दृष्टीने हा आठवडा फार महत्त्वाचा आहे. कारण या दरम्यान मोठ्या ग्रहांचं संक्रमण होणार आहे. त्यामुळे हा आठवडा तुमच्यासाठी कसा राहील? तुमचा व्यवसाय, करिअर, आरोग्य आणि लव्ह लाईफ या काळात कशी असेल? तूळ ते मीन राशींचे साप्ताहिक राशीभविष्य (Weekly Horoscope) जाणून घ्या.
तूळ रास (Libra Weekly Horoscope)
तूळ राशीसाठी जुलै महिन्याचा तिसरा आठवडा सामान्य असणार आहे. या काळात ग्रह नक्षत्रांची स्थिती सामान्य असेल. त्यामुळे या आठवड्यात कोणतीही जोखीम हाती घेऊ नका. महत्त्वाचे निर्णय घेताना घरातील ज्येष्ठ व्यक्तींचं मत विचारात घ्या. तसेच, जे तरुण नोकरीच्या शोधात आहेत त्यांना चांगली नोकरी मिळेल. त्यामुळे सकारात्मक दृष्टीकोन ठेवा. लगान मुलांच्या कलागुणांना चांगला वाव मिळेल. बाहेर फिरण्याची संधी चालून येईल.
वृश्चिक रास (Scorpio Weekly Horoscope)
वृश्चिक राशीसाठी नवीन आठवडा खास असणार आहे. या आठवड्यात तुमची तब्येत चांगली असेल. सकारात्मक दृष्टीने तुम्ही विचार कराल. तसेच, आठवड्याच्या शेवटी तुम्हाला डोळ्यांचा त्रास उद्भवू शकतो. अशा वेळी डॉक्टरांचा सल्ला घ्या. तुमचं मन स्थिर राहील.
धनु रास (Sagittarius Weekly Horoscope)
धनु राशीसाठी नवीन आठवडा चांगला जाणार आहे. या आठवड्यात अनेक नवीन गोष्टी तुम्हाला शिकायला मिळतील. तसेच, तुमचे रखडलेले पैसे तुम्हाला परत मिळतील. या आठवड्यात तुमच्या मेहनतीला चांगलं यश मिळेल. समाजात तुमचा मान-सन्मान वाढेल.
मकर रास (Capricorn Weekly Horoscope)
मकर राशीसाठी नवीन आठवडा काहीसा सामान्य असणार आहे. या आठवड्यात तुम्हाला अनेक चढ-उतारांचा सामना करावा लागेल. यामुळे तुमचं मानसिक खच्चीकरण होईल. तुमची आर्थिक स्थिती चांगली राहील. धार्मिक कार्यात तुम्ही सहभागी होऊ शकाल. फिरायला जाण्याचा योगदेखील जुळून येणार आहे.
कुंभ रास (Aquarius Weekly Horoscope)
कुंभ राशीसाठी जुलै महिन्याचा नवीन आठवडा चांगला जाणार आहे. या आठवड्यात तुमची लव्ह लाईफ चांगली राहील. तसेच, तुमच्या व्यवसायाचा विस्तार वाढलेला दिसेल. नवीन कार्याची सुरुवात तुम्ही या आठवड्यापासून करु शकता. मुलांच्या कलागुणांना चांगला वाव मिळेल. उच्च अधिकाऱ्यांचा सपोर्ट मिळेल.
मीन रास (Pisces Weekly Horoscope)
मीन राशीसाठी नवीन आठवडा लाभदायक तसेच काहीसा आव्हानात्मक ठरणार आहे. या काळात तुम्हाला अनेक चढ-उतारांचा सामना करावा लागू शकतो. तसेच, आठवड्याच्या सुरुवातीला तुम्हाला अनेक आव्हानांचा सामना करावा लागतो. आरोग्याच्या बाबतीत तुम्हाला सतर्क राहण्याची गरज आहे. नियमित व्यायाम करा.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
Weekly Horoscope : मेष, वृषभ, मिथुन, कर्क, सिंह आणि कन्या राशींसाठी जुलैचा तिसराआठवडा कसा असणार? साप्ताहिक राशीभविष्य
महत्त्वाच्या बातम्या
