Weekly Horoscope 12 To 18 August 2024 : मेष, वृषभ, मिथुन, कर्क, सिंह आणि कन्या राशीसाठी नवीन आठवडा कसा राहील? साप्ताहिक राशीभविष्य जाणून घ्या

Weekly Horoscope 12 To 18 August 2024 : तुमचा व्यवसाय, करिअर, आरोग्य आणि लव्ह लाईफ या काळात कशी असेल? मेष, वृषभ, मिथुन, कर्क, सिंह आणि कन्या या 6 राशींचे साप्ताहिक राशीभविष्य जाणून घ्या.

Weekly Horoscope 12 To 18 August 2024

Source : ABP Web Team

Weekly Horoscope 12 To 18 August 2024 : ऑगस्ट महिन्याचा तिसरा आठवडा लवकरच सुरु होणार आहे. श्रावण (Shravan) महिना देखील सुरु आहे त्यामुळे अनेक राशींसाठी हा महिना खास असणार आहे, तर काही राशींसाठी खडतर असणार आहे. वृषभ आणि मेषसह इतर राशीच्या लोकांना या काळात पैसा, करिअरबाबत विशेष लाभ मिळेल. तर, मिथुन राशीला आर्थिक चणचण भासेल. एकूणच ऑगस्ट महिन्याचा नवीन आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? मेष, वृषभ, मिथुन, कर्क, सिंह आणि कन्या या 6 राशींचे साप्ताहिक राशीभविष्य (Weekly Horoscope) जाणून घ्या.

मेष रास (Aries Horoscope)

नवीन आठवड्यात मेष राशीच्या लोकाची आर्थिक स्थिती चांगली असणार आहे. तसेच, तुमचं आरोग्यही चांगलं असणारआहे. बौद्धिक क्षमतेचा विकास झालेला दिसेल. आठवड्याच्या सुरुवातीला तुम्हाला जोडीदाराचा चांगला सपोर्ट मिळेल. तसेच, जे सिंगल आहेत त्यांना लवकरच गोड बातमी ऐकायला मिळेल. 

वृषभ रास (Taurus Horoscope)

वृषभ राशीच्या लोकांचा नवीन आठवडा सर्वसामान्य असणार आहे. तसेच, या आठवड्यात शुभ कार्यासाठी तुमचे पैसे खर्च होण्याची शक्यता आहे. तुमच्या व्यापारात तुमची चांगली प्रगती होईल. आठवड्याच्या सुरुवातीला तुम्ही काहीसे भावूक असाल पण तुम्ही तुमच्या भावनांवर नियंत्रण ठेवणं गरजेचं आहे. 

मिथुन रास (Gemini Horoscope)

मिथुन राशीच्या लोकांसाठी नवीन आठवडा आव्हानात्मक असणार आहे.या आठवड्यात तुमचे खर्च वाढत राहतील. तसेच, भावनेच्या भरात कोणताही निर्णय घेऊ नका. तुमचा व्यापार देखील चांगला चालेल. तुमचे अनेक दिवसांपासून रखडलेले काम या काळात पूर्ण होण्याची शक्यता आहे. नोकरदार वर्गातील लोकांना वरिष्ठांचा चांगला सहभाग मिळेल. 

कर्क रास (Cancer Horoscope)

कर्क राशीच्या लोकांसाठी श्रावण महिन्याचा नवीन आठवडा चांगला जाणार आहे. जर तुम्हाला शुभ कार्याची सुरुवात करायची असेल तर त्यासाठी हा काळ चांगला आहे. शैक्षणिक बाबतीत तुमची चांगली प्रगती दिसून येईल. तसेच, जोडीदाराचा तुम्हाला चांगला पाठिंबा मिळेल. 

सिंह रास (Leo Weekly Horoscope)

सिंह राशीच्या लोकांसाठी नवीन आठवडा काहीसा खर्चिक असणार आहे. छोट्या-मोठ्या गोष्टींवर तुमचे जास्त पैसे खर्च होतील. मात्र, तुमची आर्थिक स्थिती चांगली असेल. त्यामुळे एक प्रकारे सकारात्मक दृष्टीकोन राहील.या आठवड्यात तुम्ही तुमच्या आरोग्याबाबत सतर्क असणं फार गरजेचं आहे. 

कन्या रास (Virgo Weekly Horoscope)

कन्या राशीच्या लोकांसाठी नवीन आठवडा चांगला जाणार आहे. या आठवड्यात तुम्ही नवनवीन प्रयोग करून स्वत:ला पडताळू शकता. अनेक नवीन धोरणं स्विकारण्यासाछी तयार राहा. तसेच, पैशांचा जपून वापर करा. विनाकारण पैसे खर्च करू नका. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :