एक्स्प्लोर

Virgo Weekly Horoscope 24 To 30 March 2024 : कन्या राशीचं जीवन होणार समृद्ध; या आठवड्यात प्रगतीच्या अनेक संधी मिळणार, साप्ताहिक राशीभविष्य जाणून घ्या

Virgo Weekly Horoscope 24th To 30th March 2024 : कन्या राशीसाठी हा आठवडा सकारात्मक असणार आहे. नोकरीत तुम्हाला स्वत:ला सिद्ध करण्याच्या अनेक संधी मिळतील. आरोग्याची अधिक काळजी घ्यावी लागेल.

By : एबीपी ब्युरो | Updated at : 25 Mar 2024 08:30 AM (IST)

Virgo Weekly Horoscope 24 To 30 March 2024

Virgo Weekly Horoscope 24 To 30 March 2024 : कन्या राशीसाठी नवीन आठवडा शुभ परिणाम घेऊन येणार आहे. या आठवड्यात तुम्हाला नोकरीच्या ठिकाणी प्रगतीच्या संधी मिळतील. तुम्हाला या आठवड्यात आर्थिक तंगी जाणवणार नाही. मात्र, आरोग्याशी संबंधित समस्या उद्भवू शकतात. एकूणच कन्या राशीच्या लोकांसाठी हा आठवडा व्यवसाय, आरोग्य, नातेसंबंध आणि प्रेमासाठी किती खास असणार आहे? कन्या राशीचे साप्ताहिक राशीभविष्य (Weekly Horoscope) जाणून घ्या.

कन्या राशीची लव्ह लाईफ (Virgo Love Horoscope)

तुमची लव्ह लाईफ या आठवड्यात बहरलेली असेल. जोडीदारासोबतच्या नात्यात प्रेम आणि रोमान्स वाढेल. तुमच्या जोडीदाराच्या भावना समजून घ्या. ज्यांच्या नुकताच ब्रेकअप झाला असेल त्यांनी भूतकाळातील गोष्टी विसरण्यासाठी एखाद्या खास व्यक्तीला आयुष्यात येऊ दिलं पाहिजे. जे लोक रिलेशनशिपमध्ये आहेत, त्यांनी आपल्या जोडीदारासोबत जास्त वेळ घालवला पाहिजे आणि त्यांच्या भावना पार्टनरसोबत शेअर केल्या पाहिजे. मनमोकळेपणाने बोलून नातं अधिक घट्ट करण्याचा प्रयत्न करा.

कन्या राशीचे करिअर (Virgo Career Horoscope)

नवीन आठवड्यात नोकरीत तुम्हाला अनेक जबाबदाऱ्या सांभाळाव्या लागतील, त्यामुळे कामासाठी सज्ज राहा. मिटींगमध्ये तुम्ही तुमची मतं मांडा, योजना सुचवा. हेल्थ केअर, बँकिंग, आयटी, डिझायनिंग, ऑटोमोबाईल आणि हॉस्पिटॅलिटी प्रोफेशनल्सना नोकरीसाठी दुसऱ्या शहरात किंवा परदेशात जाण्याच्या संधी मिळतील. या आठवड्यात तुमचा कामानिमित्त प्रवास होईल. व्यावसायिक या आठवड्यात चांगला नफा कमवतील, तुम्ही एखादा नवीन जोड व्यवसाय देखील सुरू करू शकता. ज्या विद्यार्थ्यांच्या परीक्षा आहेत त्यांनी अभ्यासाकडे अधिक लक्ष द्यावं.

कन्या राशीची आर्थिक स्थिती (Virgo Wealth Horoscope)

तुमचं आयुष्य या आठवड्यात आर्थिकदृष्ट्या संपन्न असेल. तुमच्या जीवनात समृद्धी येईल, म्हणून तुम्ही दानधर्मात देखील पैसे खर्च करू शकता. तुमचा पगार वाढवण्यासाठी तुम्ही नोकरी बदलण्याचा विचार करू शकता. या आठवड्यत भावंडांसोबत चाललेले मालमत्तेशी संबंधित वाद सुटतील. वडिलधारे लोक मुलांमध्ये मालमत्तेची विभागणी करू शकतात. कौटुंबिक कार्यक्रमासाठी तुम्ही पैसे बाजूला काढून ठेवावे.