Sun Transit 2024 : ग्रहांचा राजा सूर्याचं होणार संक्रमण!16 जुलैपासून 'या' राशींच्या घरी नांदणार धन-समृद्धी; पैशांची आवकही वाढणार

Sun Transit 2024 : ज्योतिषशास्त्रानुसार, 16 जुलै रोजी सूर्य कर्क राशीत संक्रमण करणार आहे. सूर्याच्या कर्क ग्रहात संक्रमणाने अनेक राशींना चांगलाच लाभ मिळणार आहे.

Sun Transit 2024

Source : Other

Sun Transit 2024 : ज्योतिष शास्त्रानसार, सूर्य आत्मा, यश, आत्मविश्वास, आरोग्य यांचा कारक आहे. ज्या लोकांच्या कुंडलीत सूर्याचं (Sun) शुभ स्थान असतं त्यांना आयुष्यात यश मिळतं असं म्हणतात. त्या व्यक्ती आयुष्यात उंच पद आणि यश मिळवतात. या महिन्यात सूर्याचं कर्क राशीत (Cancer Horoscope) संक्रमण होणार आहे. 

ज्योतिषशास्त्रानुसार, 16 जुलै रोजी सूर्य कर्क राशीत संक्रमण करणार आहे. सूर्याच्या कर्क ग्रहात संक्रमणाने अनेक राशींना चांगलाच लाभ मिळणार आहे. चला तर जाणून घेऊयात पुढच्या एक महिन्यापर्यंत कोणत्या राशींचे (Zodiac Signs) अच्छे दिन सुरु होणार आहेत. 

मेष रास (Aries Horoscope)

सूर्याच्या मेष राशीत संक्रमणाने मेष राशीच्या लोकांना चांगला लाभ होणार आहे. या काळात नोकरी-व्यवसायात तुमची चांगली प्रगती होईल. तुम्ही तुमच्या कामावर खुश असाल. तसेच, या काळात तुम्हाला तुमच्या जोडीदाराचा देखील चांगला सहवास लाभेल. 

वृषभ रास (Taurus Horoscope)

सूर्याच्या संक्रमणाने वृषभ राशीच्या लोकांना अनेक शुभ फायदे होणार आहेत. या काळात तुमचा करिअर ग्राफ फार उंचावणार आहे. तुम्हाला नोकरी काही कारणास्तव बदलायची असेल तर तुम्ही तेदेखील करू शकता. तसेच, तुम्हाला आर्थिक लाभ मिळेल. यात्रेला जाण्याचा चांगला योग आहे. 

मिथुन रास (Gemini Horoscope)

सूर्याचं संक्रमण मिथुन राशीच्या लोकांसाठी चांगला काळ घेऊन येणार आहे. काही दिवस तुमचे आव्हानात्मक असतील मात्र त्यानंतर तुमचे सुखाचे दिवस सुरु होतील. व्यापारात तुम्हाला चांगला नफा मिळेल. आरोग्य देखील उत्तम राहील. विद्यार्थ्यांनी समोर आलेल्या संधीचा लाभ घेणं गरजेचं आहे. 

सिंह रास (Leo Horoscope)

सिंह राशीच्या लोकांसाठी सूर्याचं राशी परिवर्तन शुभकारक ठरणार आहे. करिअरमध्ये तुम्हाला अनेक संकटांचा सामना करावा लागेल. पण तुम्ही खंबीरपणे सर्व परिस्थितींना सामोरे जाल. तुमच्या तब्येतीत चांगली सुधारणा पाहायला मिळेल. 

वृश्चिक रास (Scorpio Horoscope)

सूर्याच्या संक्रमणाने वृश्चिक राशीच्या लोकांच्या जीवनावर फार सकारात्मक परिणाम दिसून येणार आहे. नोकरीच्या अनेक संधी तुमच्याकडे चालून येतील. या काळात तुमचा आर्थिक लाभ होण्याची शक्यता आहे. नशिबाच्या साथीने तुमची सगळी स्वप्न लवकरच पूर्ण होतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :