Shani Gochar 2025 : शनीचं राशी संक्रमण आणि सूर्यग्रहण लागणार 'या' दिवशी; 'या' 3 राशींसाठी ठरणार भाग्याचा महिना, पैशांची आवक वाढणार

Shani Gochar And Surya Grahan 2025 : सूर्य आणि शनी एकाच दिवशी संक्रमण करत असल्यामुळे तीन राशींसाठी हा काळ भाग्याचा असणार आहे.

Shani Gochar And Surya Grahan 2025

Source : ABP Web Team

Shani Gochar And Surya Grahan 2025 : वैदिक ज्योतिष शास्त्रानुसार, कर्मफळदाता शनीच्या (Shani Dev) संक्रमणाचं  आणि सूर्यग्रहणाचं (Surya Grahan) विशेष महत्त्व आहे. नवीन वर्षात सर्व राशींसाठी शुभवार्ता आहे ती म्हणजे, नवीन वर्ष 2025 मध्ये शनीचं संक्रमण आणि सूर्यग्रहण एकाच दिवशी होणार आहे. ज्योतिष शास्त्रानुसार, न्यायफळदाता शनी 29 मार्च 2025 रोजी आपल्या कुंभ राशीतून मीन राशीत संक्रमण करणार आहे. याच दिवशी आंशिक सूर्यग्रहण देखील देखील लागणार आहे. सूर्य आणि शनी एकाच दिवशी संक्रमण करत असल्यामुळे तीन राशींसाठी हा काळ भाग्याचा असणार आहे. या राशी (Zodiac Signs) कोणत्या ते जाणून घेऊयात. 

मिथुन रास (Gemini Horoscope)

मार्च 2025 मध्ये शनीचं संक्रमण आणि सूर्य ग्रहणाचा शुभ संयोग मिथुन राशीच्या लोकांसाठी फार शुभकारक असणार आहे. या काळात तुमची आर्थिक स्थिती चांगली असणार आहे.जर तुम्ही पैशांची गुंतवणूक केली असेल तर त्यातून तुम्हाला चांगला लाभ मिळेल. व्यवसायिक क्षेत्रातील लोकांना अचानक धनलाभ होऊ शकतो. तसेच, नोकरदार वर्गातील लोकांना प्रोजेक्टमध्ये चांगला लाभ मिळेल. 

धनु रास (Sagittarius Horoscope)

धनु राशीच्या लोकांसाठी शनीचं संक्रमण आणि सूर्य ग्रहण  भाग्यशाली ठरणार आहे. या काळात तुमचे अनेक दिवसांपासून रखडलेले काम पूर्ण होईल. तुमच्या व्यवसायाचा चांगला विस्तार होईल. नवीन गोष्टी शिकण्याची संधी मिळेल. तुमचं वैवाहिक जीवन सुरळीत चालेल. 

मकर रास (Capricorn Horoscope)

मकर राशीच्या लोकांसाठी शनीचं संक्रमण आणि सूर्य ग्रहण अत्यंत शुभकारक आहे. संपत्तीच्या बाबतीत तुम्हाला चांगला लाभ मिळेल. जुन्या गुंतवणुकीतून तुम्हाला चांगला लाभ मिळेल. तसेच, शेअर मार्केटमध्ये तुम्हाला चांगला नफा मिळेल. मित्रांचं चांगलं सहकार्य लाभेल. या काळात तुमच्या सर्व आर्थिक समस्या दूर होतील. तुमच्या मेहनतीचं फळ तुम्हाला मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :