Shani Gochar 2025 : शनीचं होतंय राशी परिवर्तन, 28 फेब्रुवारीपासून 'या' 3 राशीचं वाढणार तापमान; 24 तास असणार शनीची करडी नजर

Shani Gochar 2025 : ज्योतिष शास्त्रानुसार, 28 फेब्रुवारी रोजी शनीचा अस्त होणार आहे. तर, 40 दिवसांपर्यंत शनी याच अवस्थेत स्थित असणार आहे.

Shani Gochar 2025

Source : ABP Web Team

Shani Gochar 2025 : वैदिक ज्योतिष शास्त्रानुसार, कर्मफळदाता शनी (Shani Dev) हा सर्वात हळुवार गतीने चालणारा ग्रह आहे. शनीला (Lord Shani) एका राशीतून दुसऱ्या राशीत संक्रमण करण्यासाठी तब्बल अडीच वर्षांचा कालावधी लागतो तर एक राशीचक्र पूर्ण करण्यासाठी तब्बल 30 वर्षांचा कालावधी लागतो. ज्या राशीच्या कुंडलीत शनीची स्थिती मजबूत असते त्या राशीच्या लोकांना शनी सुख-समृद्धी देतो. तसेच, धनवान बनवतो. तसेच, जर कुंडलीत शनीची स्थिती कमजोर असेल तर त्या राशीच्या लोकांना अनेक समस्यांचा सामना करावा लागतो.  

ज्योतिष शास्त्रानुसार, 28 फेब्रुवारी रोजी शनीचा अस्त होणार आहे. तर, 40 दिवसांपर्यंत शनी याच अवस्थेत स्थित असणार आहे.  म्हणजेच 9 एप्रिल 2025 रोजी शनीचा उदय होणार आहे. शनीच्या चालीचा सर्व राशींवर परिणाम होणार आहे. यामुळे काहींना लाभ मिळणार तर काहींचा तोटा होणार आहे. शनीच्या अस्ताचा ज्या राशींवर नकारात्मक परिणाम होणार आहे हे जाणून घेऊयात. 

मेष रास (Aries Horoscope)

मेष राशीच्या लोकांसाठी शनीच्या अस्ताचा काळ शुभ ठरणार नाही. या काळात तुमच्या कुटुंबात अनेक वाद निर्माण होतील. तसेच, तुम्हाला आर्थिक तंगीचा सामना करावा लागू शकतो. त्यामुळे पैशांची बचत करणं गरजेचं आहे. तसेच, या काळात तुम्ही आपल्या वाणीवर नियंत्रण ठेवण्याची गरज आहे. अन्यथा जवळची माणसं तुमच्यापासून दुरावू शकतात. तसेच, कामाच्या ठिकाणी अनेक समस्यांचा सामना करावा लागेल. 

कर्क रास (Cancer Horoscope)

कर्क राशीच्या लोकांवर शनीच्या अस्ताचा नकारात्मक परिणाम होणार आहे. या राशीच्या लोकांना करिअरमध्ये तसेच, शिक्षणामध्ये अनेक समस्यांचा सामना करावा लागू शकतो. तसेच, तुमची आर्थिक स्थिती फार कमजोर असेल. तसेच, या काळात कोणाशीही वादविवाद करु नका. अन्यथा प्रकरण तुमच्यावरच बेतू शकतं. या काळात तुमच्या खर्चात देखील वाढ होण्याची शक्यता आहे.

मकर रास (Capricorn Horoscope)

मकर राशीच्या लोकांसाठी शनीच्या अस्ताचा काळ फार अनुकूल नसणार आहे. या काळात तुम्हाला अनेक समस्यांचा सामना करावा लागू शकतो. तसेत, कामाच्या ठिकाणी देखील तुमच्या स्वभावाचा फायदा घेतला जाऊ शकतो. तुम्ही हाती घेतलेल्या कार्यात अनेक अडथळे निर्माण होऊ शकतात. गुंतवणुकीसाठी हा काळ योग्य नाही. त्यामुळे कोणतीही जोखीम हाती घेऊ नका. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: