Numerology : अत्यंत अतिशहाणे असतात 'या' जन्मतारखेचे लोक; स्वत:चंच म्हणणं करतात खरं, स्वभावानेही असतात हट्टी
Numerology : ज्योतिषशास्त्रानुसार, या जन्मतारखेचे लोकांची सहनशीलता फार कमी असते. याशिवाय आपल्यालाच जगातल्या सगळ्या गोष्टी माहीत असल्यासारखं ते वावरतात. समोरच्याचं ऐकून घेण्याची ताकद यांच्यात नसते.
Numerology Mulank 1 : अंकशास्त्रात (Ank Shastra) प्रत्येक मूलांकाबद्दल काही खास गोष्टी सांगण्यात आल्या आहेत. यामध्ये मूलांक 1 च्या लोकांची देखील काही खास वैशिष्ट्यं सांगण्यात आली आहेत. अंकशास्त्रानुसार, कोणत्याही महिन्याच्या 1, 10, 19 किंवा 28 तारखेला जन्मलेल्या लोकांचा मूलांक 5 असतो.
मूलांक 1 चे लोक हे स्वभावाने हट्टी असतात. हे लोक नेहमी स्वत:चंच म्हणणं खरं करतात, समोरच्याचं ऐकून घेण्याची ताकद त्यांच्यात नसते. आपल्यालाच जणू सर्व काही माहीत असल्याचं त्यांना वाटतं, समोरच्या व्यक्तीला ते कमी लेखतात. या मूलांकाच्या लोकांमध्ये श्रवण क्षमता कमी असते. या मूलांक संख्येबद्दल अधिक जाणून घेऊया.
स्वत:चंच म्हणणं करतात खरं
कोणत्याही महिन्याच्या 1, 10, 19, 28 तारखेला जन्मलेले लोक ओव्हरस्मार्ट असतात. ते स्वत:लाच शहाणे समजतात आणि आपल्यालाच सर्वकाही माहीत असल्यासारखं ते वावरतात. हे लोक नेहमी स्वत:चंच म्हणणं खरं करतात, समोरच्याचं ऐकून घेण्याची ताकद त्यांच्यात नसते. मूलांक 1 चे लोक स्वभावाने हट्टी देखील असतात.
थोडे घमंडीही असतात या जन्मतारखेचे लोक
मूलांक 1 चे लोक फार गर्विष्ठ असतात. ते नेहमी ताठ मानेने चालतात आणि दुसऱ्यांना कमी लेखतात. समोरच्याचं ऐकून घेण्याची क्षमता त्यांच्यात नसते. आपणच शाहणे आणि समोरचा संथ असा रोख त्यांचा असतो. हे लोक नेहमीच इतरांवर टीका करू शकतात आणि या लोकांना एकटेपणाची भीती वाटते.
अतिशय धाडसी असतात हे लोक
कोणत्याही महिन्याच्या 1, 10, 19, 28 तारखेला जन्मलेले लोक त्यांच्या मेहनतीने आणि क्षमतेने सरकारी नोकरी मिळवण्यात यशस्वी होतात आणि त्यांच्या टीमचं नेतृत्व देखील करतात. हे लोक धाडसी असतात आणि धोका पत्करणारे असतात. हे लोक अतिशय शिस्तबद्ध असतात आणि या गुणामुळे ते इतरांपेक्षा वेगळे दिसतात.
प्रत्येक क्षेत्रात मिळवतात यश
या मूलांकाच्या लोकांमध्ये सरकारी अधिकारी बनण्याची क्षमता असली तरी, या मूलांकाचे काही लोक चांगले नेतेही बनतात. याशिवाय, हे लोक इलेक्ट्रॉनिक, फॉरेन कंपनी, संशोधन कार्य, विद्युत संबंधित व्यवसाय आणि सरकारी नोकऱ्यांमध्ये ते काम करतात आणि तिथे प्रगती साधतात. हे लोक कला, संगीत, लेखन आणि डिझाईन यांसारख्या क्षेत्रातही यश मिळवतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
महत्त्वाच्या बातम्या
ट्रेंडिंग न्यूज
