(Source: ECI/ABP News/ABP Majha)
Mahashivratri 2023 : महाशिवरात्रीच्या दिवशी 'या' चार राशींच्या लोकांवर होणार शिवाची कृपा, होईल धनलाभ
Mahashivratri 2023 : या वर्षी महाशिवरात्रीला त्रिग्रही योग तयार होत असून, या दिवशी सूर्य, शनि आणि चंद्र कुंभ राशीत बसतील. ग्रहांच्या या स्थितीमुळे अनेक राशींना पैसा, नोकरी, व्यवसायात बंपर लाभ मिळतील.
Mahashivratri 2023 : महादेवाच्या उपासनेचा सर्वात मोठा सण म्हणजे महाशिवरात्री. या वर्षी 18 फेब्रुवारी रोजी महाशिवरात्रीचा सण आला आहे. या दिवशी माता पार्वती आणि शिवजी यांचा विवाह सोहळा मोठ्या थाटामाटात केला जातो. असे मानले जाते की, शिवरात्रीला भोलेनाथाचा जलाभिषेक आणि रुद्राभिषेक केल्याने महादेव स्वतः भक्ताला सर्व संकटांपासून वाचवतात. या दिवशी शिवाच्या नामाचा जप केल्याने अकाली मृत्यूचे भय नाहीसे होते अशी श्रद्धा आहे.
या वर्षी महाशिवरात्रीला त्रिग्रही योग तयार होत असून, या दिवशी सूर्य, शनि आणि चंद्र कुंभ राशीत बसतील. ग्रहांच्या या स्थितीमुळे अनेक राशींना पैसा, नोकरी, व्यवसायात बंपर लाभ मिळतील. जाणून घेऊया महाशिवरात्रीला कोणत्या राशींचे भाग्य खुलणार आहे.
कुंभ : महाशिवरात्रीला कुंभ राशीत त्रिग्रही योग तयार होत आहे. या दिवशी पिता-पुत्र म्हणजेच सूर्य आणि शनि कुंभ राशीत एकत्र असतील, तर चंद्रही उपस्थित असेल. अशाप्रकारे महाशिवरात्रीचा सण तुमच्यासाठी लाभदायक ठरणार आहे. नवीन काम सुरू करण्यासाठी चांगला काळ आहे, कामे पूर्ण होतील. भोलेनाथसह शनिदेवाच्या कृपेने करिअरमध्ये प्रगती होईल. व्यवसायात वाढ होईल.
मेष : मेष राशीच्या लोकांसाठी महाशिवरात्रीचा दिवस शुभ राहील. नोकरीच्या शोधात असलेल्या लोकांना नवीन संधी मिळतील. भगवान शिवाच्या कृपेने त्यांच्या उत्पन्नात वाढ होण्याची दाट शक्यता आहे. बरेच दिवस रखडलेली कामे पूर्ण होतील. कुटुंबातील मालमत्तेचे प्रश्न मार्गी लागतील. अडलेली कामे मार्गी लागतील.
कर्क : भगवान शिवाला कर्क राशीचे देवता मानले जाते. महाशिवरात्रीला कर्क राशीच्या लोकांवर भोलेनाथ कृपा करतील. पैशाच्या बाबतीत मोठा फायदा होईल. विविध ठिकाणांहून पैसे मिळतील. नोकरीच्या ठिकाणी तुमची कौतुक होईल. उच्च अधिकार्‍यांशी संबंध चांगले राहतील.
वृषभ : वृषभ भोलेनाथांच्या आवडत्या राशींपैकी एक आहे. यंदाचा शिवरात्रीचा दिवस त्यांच्यासाठी खूप खास असणार आहे. ज्या लोकांच्या नोकरीत प्रगतीमध्ये अडथळे येत आहेत त्यांना चांगली बातमी मिळेल. पगारात बंपर वाढ होऊ शकते. नवीन वाहन खरेदीसाठी शुभ काळ आहे. कामाच्या ठिकाणी तुमच्या कामाचे कौतुक होईल. वृषभ राशींच्या लोकांसाठी यंदाची महाशिवरात्री खास असणार आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या
Mahashivratri 2023: महाशिवरात्रीला महादेवाला बेलपत्र अर्पण केल्याने काय होते? ज्योतिषतज्ज्ञांकडून जाणून घ्या
महत्त्वाच्या बातम्या
ट्रेंडिंग न्यूज
