Kalki Jayanti 2025: पाप वाढतंय, येतायत कल्कि भगवान? आज कल्कि जयंती, कलियुगात तुमचं करतील रक्षण, महत्त्व, पूजा पद्धत जाणून घ्या..
Kalki Jayanti 2025: धार्मिक मान्यतेनुसार, कलियुगात जेव्हा पाप खूप वाढेल, तेव्हा पापींचा नाश करण्यासाठी आणि धर्माची पुनर्स्थापना करण्यासाठी भगवान कल्कि अवतार घेणार आहेत.
Kalki Jayanti 2025: शास्त्रांमध्ये, भगवान कल्कि यांना भगवान विष्णूचा 10 वा आणि शेवटचा अवतार म्हणून वर्णन केले आहे. धार्मिक मान्यतेनुसार, कलियुगात जेव्हा पाप खूप वाढेल, तेव्हा पापींचा नाश करण्यासाठी आणि धर्माची पुनर्स्थापना करण्यासाठी भगवान कल्कि अवतार घेणार आहेत. या अवतारात, भगवान कल्कि पांढऱ्या घोड्यावर स्वार होऊन येतील. दरवर्षी, श्रावण महिन्यात, शुक्ल पक्षाच्या सहाव्या दिवशी भगवान कल्कि जयंती साजरी केली जाते. त्यानुसार आज 30 जुलै 2025 रोजी कल्कि जयंतीचा उत्सव बुधवारी साजरा केला जात आहे. या दिवसाचे महत्त्व काय? कोण आहेत कल्कि भगवान? कलियुगात ते कधी अवतार घेणार? आज केले जाणारे उपाय आणि पूजेबाबत सविस्तर जाणून घ्या..
कल्की जयंतीचे महत्त्व
कोण आहेत भगवान कल्की?
- भगवान कल्की हे भगवान विष्णूंचा दहावा आणि अंतिम अवतार मानले जातात.
- कलियुगाच्या शेवटी, जेव्हा धर्माचा लोप होईल, अधर्म वाढेल, आणि अराजक माजेल,
- तेव्हा भगवान कल्की घोड्यावर स्वार होऊन पृथ्वीवर येतील आणि अधर्माचा नाश करतील.
- ते पांढऱ्या घोड्यावर स्वार, हातात तलवार, आणि तेजस्वी रूपात प्रकट होतात.
धार्मिक ग्रंथांनुसार महत्त्व
- पद्मपुराण, भविष्यपुराण, कल्किपुराण यामध्ये कल्की अवताराचे वर्णन आहे.
- धर्माचं पुनर्स्थापन, सत्कर्मांचं जतन, आणि अधर्माचं निर्मूलन करण्यासाठी त्यांचा अवतार होतो.
- श्रावण शुक्ल षष्ठी हा दिवस कल्की अवतार जयंती म्हणून पवित्र मानला जातो.
कल्की जयंतीला कोणते उपाय / पूजन करावे?
पूजन पद्धती
- सकाळी अंघोळ करून पवित्र वस्त्र परिधान करा.
- भगवान विष्णू किंवा कल्कीचे चित्र/मूर्ती समोर ठेवून पूजन करा.
- पिवळे फुल, तूप दिवा, तुळस, आणि चंदन अर्पण करा.
- “ॐ श्रीं कल्किने नमः” या मंत्राचा जप करा (108 वेळा).
- विष्णुसहस्रनाम, किंवा कल्कि स्तोत्र वाचा.
- व्रत ठेवल्यास फळे व तुळशीजलाने उपवास करा.
कल्की जयंतीला करावयाचे उपाय (भाग्यवृद्धीसाठी):
ॐ कल्कि देवाय नमः” या मंत्राचा 108 वेळा जप
संकटांपासून संरक्षण, मानसिक शांती
विष्णु सहस्त्रनाम पठण
सौख्य, समाधान, आणि जीवनात सकारात्मक ऊर्जा
दुःखी/गरिबांना अन्नदान
पापनाश, पुण्यवृद्धी, धनसंपत्तीचे योग
तुळशीचे रोप लावणे किंवा पूजन
विष्णू कृपा आणि आरोग्य
पांढऱ्या वस्त्रातील घोड्याचे चित्र पूजणे
बंधनमुक्ती, शत्रुनाश, विजययोग
कोणासाठी विशेष फायदेशीर?
- ज्यांच्यावर शनि, राहू किंवा केतूचे प्रभाव आहे
- ज्यांना धन, कार्यात अडथळे येतात
- राहू/केतू दशा असलेल्यांनी नक्की हे पूजन करावे
- कुंडलीत कलियुगाचा प्रभाव असल्यास हा दिवस अत्यंत शुभ ठरतो
डॉ भूषण ज्योतिर्विद
हेही वाचा :
August 2025 Astrology: ऑगस्टमध्ये 'या' 6 राशींच्या नोकरीचं टेन्शन संपेल! प्रमोशन, पगारात घसघशीत वाढ, तुमची रास कोणती? ज्योतिषी म्हणतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
