Guru Transit : 2 जूनला होतंय बृहस्पती ग्रहाचं महासंक्रमण; पुढचे तब्बल 152 दिवस 4 राशींवर संकटांची टांगती तलवार, सावध व्हा

Guru Transit : बृहस्पती ग्रह 2 जून 2026 रोजी गुरु ग्रह कर्क राशीत प्रवेश करणार आहे. कर्क ही बृहस्पतीची उच्च राशी आहे.

Written By : एबीपी माझा वेब टीम | Updated at : 24 May 2026 02:19 PM (IST)

Guru Transit

Source : ABP WEB TEAM

Guru Transit : ज्योतिष शास्त्रानुसार, ग्रहांच्या संक्रमणाला अत्यंत महत्त्वाचं मानण्यात आलं आहे. यामध्ये देवगुरु बृहस्पतीचं राशी परिवर्तन फार प्रभावशाली तसेच, महत्त्वाचं मानण्यात आलं आहे. त्यानुसार, बृहस्पती ग्रह 2 जून 2026 रोजी गुरु ग्रह कर्क राशीत प्रवेश करणार आहे. कर्क ही बृहस्पतीची उच्च राशी आहे.

बृहस्पतीला ज्ञान, धनसंपदा, आणि नशिबाचा कारक ग्रह मानतात. त्यामुळे गुरु ग्रहाचं संक्रमण काही राशींसाठी लाभदायी तर काही राशींसाठी आव्हानात्मक ठरणार आहे. त्यामुळे या ठिकाणी कोणत्या राशींना या संक्रमणाचा त्रास होणार आहे ते जाणून घेऊयात.

मेष रास (Aries Horoscope)

गुरुचं हे संक्रमण चतुर्थ स्थानी होणार आहे. त्यामुळे या काळात तुमच्या कौटुंबिक जीवनात काही चढ-उतार येतील. घरातील वातावरण स्थिर नसेल. कामाच्या ठिकाणी देखील परिस्थिती बदललेली दिसेल. त्यामुळे कोणतंही काम करताना धैर्याने करा. जास्त जोखमीची कामे हाती घेऊ नका.

मिथुन रास (Gemini Horoscope)

बृहस्पती ग्रह या राशीच्या दुसऱ्या चरणात प्रवेश करणार आहे. त्यामुळे या कालावधीत तुम्हाला आर्थिक बाबतीत सावधानता बाळगण्याची गरज आहे. घरात काही कारणास्तव मतभेद होऊ शकतात. तसेच, विनाकारण पैसे खर्च करु नका.

तूळ रास (Libra Horoscope)

गुरुचं संक्रमण या राशीच्या दहाव्या चरणात होणार आहे. त्यामुळे तुम्हाला करिअरमध्ये अचानक नवीन बदल झालेले दिसून येतील. या कालावधीत वरिष्ठ अधिकाऱ्यांबरोबर ताळमेळ बसविण्याचा प्र.त्न करा. तसेच, हाती घेतलेल्या कोणत्याही कार्यात घाईगडबड करु नका.

कुंभ रास (Aquarius Horoscope)

कुंभ राशीच्या सहाव्या चरणात गुरु ग्रहाचं संक्रमण होणार आहे. त्यामुळे तुमच्या आरोग्यावरही याचा परिणाम दिसून येईल. प्रगतीचे मार्ग बंद होतील. तसेत, पैशांच्या बाबतीत कोणत्याही प्रकारचा हलगर्जीपणा करु नका.