Guru Gochar 2024 : आज होणार गुरु नक्षत्र परिवर्तन; 'या' 4 राशींच्या लोकांचे सुरु होणार 'अच्छे दिन'

Guru Gochar in Rohini Nakshatra : आज गुरु नक्षत्र परिवर्तन करून रोहिणी नक्षत्रात परिवर्तन करणार आहे. रोहिणी नक्षत्राचा स्वामी चंद्र आहे.

Guru Gochar in Rohini Nakshatra

Guru Gochar in Rohini Nakshatra : सुख-समृद्धी, मान-सन्मान आणि ज्ञानाचा देवता असलेला गुरु बृहस्पती जवळपास एक वर्षांनी राशी परिवर्तन करतात. याचा परिणाम सर्व राशींवर होतो. गुरु राशी परिवर्तनसह वेळोवेळी नक्षत्र परिवर्तनसुद्धा करतात. गुरुचं नक्षत्र परिवर्तनसुद्धा ज्योतिषशास्त्रात फार महत्त्वाची भूमिका बजावतात. आज गुरु नक्षत्र परिवर्तन करून रोहिणी नक्षत्रात परिवर्तन करणार आहे. रोहिणी नक्षत्राचा स्वामी चंद्र आहे. गुरुचे चंद्र नक्षत्रात परिवर्तन काही राशींच्या (Zodiac Sign) लोकांसाठी फार लाभदायक ठरणार आहे. गुरु ग्रह 20 ऑगस्ट 2024 पर्यंत रोहिणी नक्षत्रात (Rohini Nakshatra) राहणार आहे. 

वृषभ रास (Taurus Horoscope)

वृषभ राशीच्या लोकांसाठी गुरु ग्रहाचं रोहिणी नक्षत्रात परिवर्तन फार लाभदायक ठरणार आहे. या काळात तुमच्या करिअरमध्ये चांगली परिस्थिती दिसून येणार आहे. तुमच्या धन-संपत्तीत वाढ होईल. तुमच्या बौद्धिक क्षमतेत वाढ होईल. 

सिंह रास (Leo Horoscope)

गुरुच्या नक्षत्राचा सिंह राशीच्या लोकांवर फार चांगला परिणाम घडून येणार आहे. या काळात तुमच्या जीवनात सकारात्मक बदल घडताना दिसतील. जर तुम्हाला अनेक दिवसांपासून नवीन व्यवसाय सुरु करायचा असेल तर हा काळ चांगला आहे. या काळात केलेली गुंतवणूक तुमच्यासाठी नक्कीच फायदेशीर ठरेल. तसेच, तुम्हाला परदेशात नोकरी करण्याची संधी मिळू शकते. तुम्हाला प्रत्येक क्षेत्रात यश मिळेल. तुमचं आरोग्य चांगलं राहील. 

कन्या रास (Virgo Horoscope)

गुरुचे रोहिणी नक्षत्रात प्रवेश केल्याने कन्या राशीच्या लोकांसाठी हा काळ फार भाग्याचा ठरणार आहे. या काळात तुम्हाला नशिबाची पूर्ण साथ मिळेल. तसेच, धनलाभ होईल. तुमचा कल अध्यात्मच्या दिशेने असेल. व्यवसायात तुमची चांगली परिस्थिती दिसून येईल. तसेच, तुम्हाला जर धार्मिक स्थळाला भेट द्यायची असेल तर हा काळ चांगला आहे. 

तूळ रास (Libra Horoscope)

गुरु रोहिणी नक्षत्रात असल्याने तूळ राशीच्या लोकांना फार फायदा मिळणार आहे. या काळात तुमच्या उत्पन्नात वाढ होईल. तुम्हाला प्रमोशन मिळण्याची देखील शक्यता आहे. उत्पन्नाच्या अनेक नवीन संधी उपलब्ध होतील. तुमच्या कामाचं कौतुक केलं जाईल. तुमच्या मान-सन्मानात वाढ होईल. तसेच, या काळात तुमचं आरोग्यही चांगलं राहील. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: