Astrology : आज गौरी योगासह जुळून आले अनेक शुभ संयोग; 'या' 5 राशींसाठी सुरु होणार सुवर्णकाळ, लवकरच स्वप्न होतील साकार

Astrology Panchang Today 20 November : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींच्या लोकांवर होणार आहे. या राशींच्या लोकांच्या बौद्धिक विकासात चांगली वाढ झालेली दिसेल.

Astrology Panchang Today 20 November

Source : ABP Web Team

Astrology Panchang Today 20 November : आज 20 नोव्हेंबरचा दिवस म्हणजेच बुधवारचा दिवस हा खूप खास आहे. आज मार्गशीष महिन्याच्या कृष्ण पक्षातील षष्ठी तिथी आहे. तसेच, आज गौरी योगासह (Yog) शुभ योग आणि पुनर्वसु नक्षत्राचा शुभ संयोग जुळून आला आहे. त्यामुळे आजच्या दिवसाचं महत्त्व फार वाढलं आहे. वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींच्या लोकांवर होणार आहे. या राशींच्या लोकांच्या बौद्धिक विकासात चांगली वाढ झालेली दिसेल. तुमच्या मार्गातील सर्व अडथळे दूर होतील. त्यामुळे या राशी (Zodiac Signs) नेमक्या कोणत्या ते जाणून घेऊयात. 

वृषभ रास (Taurus Horoscope)

वृषभ राशीच्या लोकांसाठी आजचा दिवस खास असणार आहे. आज तुम्हाला प्रगतीचे अनेक संकेत दिसतील. मात्र याकडे दुर्लक्ष करु नका. तसेच, अनेक दिवसांपासून तुमचे जे काम रखडले आहे ते आज पूर्ण होण्याची शक्यता आहे. तुमचं मनोबल वाढलेलं दिसेल. तसेच, तुमचं कौटुंबिक जीवन अगदी सुरळीत चालणार आहे. तुमच्या घरात लवकरच मंगलमय कार्यक्रम आयोजित केला जाऊ शकतो. 

सिंह रास (Leo Horoscope)

सिंह राशीच्या लोकांसाठी आजचा दिवस चांगला असणार आहे. तुमच्यावर गणेशाची कृपा असणार आहे. तसेच, तुमच्या सुख-संपत्तीत चांगली वाढ झालेली दिसेल. तुम्ही जर व्यवसाय करणार असाल तर कामाच्या निमित्ताने तुम्हाला परदेशी जाण्याची संधी मिळेल. तसेच, तुमच्या कामात आज चांगल्या डील्स तुम्हाला मिळू शकतात. एखाद्या शुभ कार्याची सुरुवात तुम्ही आजपासून करु शकता. 

कन्या रास (Virgo Horoscope)

कन्या राशीच्या लोकांसाठी आजचा दिवस आनंददायी असणार आहे. आज तुम्हाला धन कमावण्याचे चांगले मार्ग सापडतील. तसेच, जर तुम्हाला गुंतवणूक करायची असेल तर त्यासाठी आजचा दिवस चांगला ठरेल. यासाठी तुम्हाला तुमच्या पार्टनरचा चांगला सपोर्ट मिळेल. विद्यार्थ्यांसाठी देखील आजचा दिवस चांगला असणार आहे. 

वृश्चिक रास (Scorpio Horoscope)

वृश्चिक राशीच्या लोकांसाठी आजचा दिवस शुभ असणार आहे. आज गणेशाच्या कृपेने तुमच्या बौद्धिक क्षमतेत चांगला विकास झालेला दिसेल. तसेच, तुमच्या आयुष्यात सुरु असलेल्या समस्या लवकरच संपुष्टात येतील. तुमच्या व्यवसायाचा चांगला विस्तार झालेला दिसेल. प्रियजनांची तुम्हाला चांगली साथ मिळेल. 

मकर रास (Capricorn Horoscope)

मकर राशीच्या लोकांसाठी आजचा दिवस शुभदायी असणार आहे. तसेच, तुमचं आरोग्य चांगलं असणार आहे. आज नोकरदार वर्गातील लोकांचा कामाच्या ठिकाणी चांगला दिवस जाईल. सहकाऱ्यांचा तुम्हाला चांगला पाठिंबा मिळेल. तसेच, तुमची आर्थिक स्थिती चांगली असणार आहे. तुमच्या व्यवसायात चांगली प्रगती झालेली दिसेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :