Astrology Panchang 23 August 2024 : आज शुक्रादित्य योगासह जुळून आले अनेक शुभ संयोग; सिंह राशीसह 'या' 5 राशींवर बरसणार देवी लक्ष्मीची कृपा

Astrology Panchang 23 August 2024 : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींच्या लोकांवर होणार आहे. या राशींच्या सुख-समृद्धीत चांगली वाढ होईल.

Astrology Panchang 23 August 2024

Source : ABP Web Team

Astrology Panchang 23 August 2024 : आज शुक्रवारचा दिवस हा अनेक अर्थाने महत्त्वाचा असणार आहे. ग्रहांच्या स्थितीनुसार, आज शुक्रादित्य योग (Yog) जुळून आला आहे. पण त्याचबरोबर अमृत सिद्धी योग आणि रेवती नक्षत्राचा शुभ संयोग देखील जुळून आला आहे. त्यामुळे आजच्या दिवसाचं महत्त्व फार वाढलं आहे. 

वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींच्या लोकांवर होणार आहे. या राशींच्या सुख-समृद्धीत चांगली वाढ होईल. तसेच, देवी लक्ष्मीच्या कृपेने तुमची सर्व कामे सुरळीत होतील. या 5 राशी (Zodiac Signs) नेमक्या कोणत्या ते जाणून घेऊयात. 

मेष रास (Aries Horoscope)

आजचा दिवस मेष राशीच्या लोकांसाठी फलदायी ठरणार आहे. या राशीच्या लोकांना प्रत्येक कामात चांगलं यश मिळेल. अनेक दिवसांपासून तुमच्या मनात जी इच्छा दडलीय ती पूर्ण होण्याची शक्यता आहे. व्यापारी वर्गातील लोकांना व्यवहारात अधिक नफा मिळण्याची शक्यता आहे. कामाच्या ठिकाणी तुम्हाला सहकाऱ्यांचा चांगला पाठिंबा मिळेल. 

सिंह रास (Leo Horoscope)

सिंह राशीच्या लोकांसाठी आजचा दिवस उत्साहाचा असणार आहे. देवी लक्ष्मीच्या कृपेने तुमच्या धन-संपत्तीत चांगली भरभराट होईल. तसेच, तुमचं व्यक्तिमत्व अधिक खुलून दिसेल. व्यापारात तुम्हाला अपेक्षेपेक्षा जास्त लाभ मिळेल. त्यामुळे तुम्ही फार आनंदी असाल. मित्रांच्या सहकार्याने तुमची खूप प्रगती होईल. 

तूळ रास (Libra Horoscope)

तूळ राशीच्या लोकांसाठी आजचा दिवस लाभदायक असणार आहे. आजच्या दिवशी तुम्हाला कुटुंबीयांचा चांगला पाठिंबा मिळेल. आज तुम्हाला धनप्राप्ती होण्याचे संकेत आहेत. तसेच, सामाजिक क्षेत्रात तुमची चांगली प्रगती दिसून येतेय. तुमची आर्थिक स्थिती मजबूत असल्या कारणाने तुम्हाला कशातीही कमतरता भासणार नाही. अनेक दिवसांपासून तुमची रखडलेली कामे पूर्ण होतील. 

वृश्चिक रास (Scorpio Horoscope)

वृश्चिक राशीच्या लोकांसाठी आजचा दिवस शुभकारक असणार आहे. व्यापारी वर्गातील लोकांसाठी नवीन व्यवसायाची चांगली संधी मिळेल. तसेच, जर तुम्हाला गुंतवणूक करायची असेल तर त्यासाठी आजचा दिवस फार शुभ आहे. फक्त इतरांना पैसे देताना घरातील ज्येष्ठ व्यक्तींचा सल्ला घ्या. अन्यथा तुमची फसवणूक होऊ शकते. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :