![ABP Premium](https://cdn.abplive.com/imagebank/Premium-ad-Icon.png)
Lumpy Skin : लम्पीमुळं दोन महिन्यांपासून धुळ्यातील गुरांचा आठवडे बाजार बंद, 35 कोटींची उलाढाल ठप्प
गेल्या दोन महिन्यांपासून धुळे कृषी उत्पन्न बाजार समितीत (Dhule Agricultural Produce Market Committee) भरणारा गुरांचा आठवडे बाजार बंद करण्यात आला आहे. यामुळं शेतकऱ्यांसह व्यापारी चिंतेत आहेत.
![Lumpy Skin : लम्पीमुळं दोन महिन्यांपासून धुळ्यातील गुरांचा आठवडे बाजार बंद, 35 कोटींची उलाढाल ठप्प Dhule News Cattle market closed for two months due to lumpy skin disease in Dhule Lumpy Skin : लम्पीमुळं दोन महिन्यांपासून धुळ्यातील गुरांचा आठवडे बाजार बंद, 35 कोटींची उलाढाल ठप्प](https://feeds.abplive.com/onecms/images/uploaded-images/2022/11/05/b43ece08752a32e82e3cbbcb80d72a601667620174251339_original.jpg?impolicy=abp_cdn&imwidth=1200&height=675)
Lumpy Skin Disease : देशातील विविध राज्यात लम्पी स्कीन आजाराचा प्रादुर्भाव (Lumpy Skin Disease) वाढत आहे. महाराष्ट्रातही जवळपास 33 जिल्ह्यांमध्ये जनावरांना लम्पी स्कीन आजाराचा प्रादुर्भाव झाला आहे. त्यामुळं पशुपालक चिंतेत आहेत. दरम्यान, लम्पी स्कीन आजाराचा वाढता प्रादुर्भाव लक्षात घेता गेल्या दोन महिन्यांपासून धुळे कृषी उत्पन्न बाजार समितीत (Dhule Agricultural Produce Market Committee) भरणारा गुरांचा आठवडे बाजार बंद करण्यात आला आहे. लम्पी या संसर्गजन्य आजारामुळं गुरांच्या खरेदी विक्रीतून त्याचा प्रादुर्भाव वाढू नये यासाठी बाजार बंद करण्य़ात आले आहेत. मात्र, यामुळं 35 कोटी रुपयांची उलाढाल ठप्प झाली आहे.
आंध्र प्रदेश आणि तेलंगणा येथील व्यापारी धुळ्यात येतात
धुळे कृषी उत्पन्न बाजार समितीमध्ये आंध्र प्रदेश आणि तेलंगणा येथील व्यापारी मोठ्या प्रमाणात येत असतात. तसेच राज्यातील इतर भागातून देखील मोठ्या प्रमाणावर जनावरे विक्रीसाठी धुळ्यात येत असतात. तसेच व्यापारीही या ठिकाणी येत असतात. यातून कोट्यवधी रुपयांची उलाढाल होत असते. मात्र, हा गुरांचा बाजार बंद असल्यानं ही उलाढाल ठप्प झाली आहे. यामुळं शेतकरी आणि व्यापाऱ्यांमध्ये चिंतेचा वातावरण पसरलं आहे. वाढत्या लम्पी आजाराच्या प्रादुर्भावामुळं धुळे कृषी उत्पन्न बाजार समितीमध्ये भरणारा जनावरांचा बाजार बंद करण्यात आला आहे. यामुळं तब्बल 35 कोटी रुपयांची उलाढाल ठप्प झाली आहे. सध्या जिल्ह्यात मोठ्या प्रमाणावर जनावरांना लसीकरण सुरु आहे. मात्र, बाजार बंद असल्यानं शेतकऱ्यांसह व्यापाऱ्यांमध्ये चिंतेचं वातावरण आहे.
गुरांचा बाजार सुरु करावा, शेतकऱ्यांची मागणी
बाजर बंद असल्यानं शेतकऱ्यांसह व्यापाऱ्यांना फटका बसत आहे. त्यामुळं तत्काळ गुरांचा बाजार सुरु करावा अशी मागणी शेतकऱ्यांनी केली आहे. त्यामुळं आता प्रशासन शेतकऱ्यांची ही मागणी मान्य करणार का? धुळे जिल्ह्यातील जनावरांचा बाजार पुन्हा सुरु होणार का? हे पाहमं महत्त्वाचं ठरणार आहे.
महाराष्ट्रात 33 जिल्ह्यात लम्पी स्कीन आजाराचा प्रादुर्भाव
महाराष्ट्र राज्यात 33 जिल्ह्यांमध्ये जनावरांना लम्पी स्कीन आजाराची लागण झाली आहे. त्यामुळं पशुपालक चिंतेत आहेत. आत्तापर्यंत महाराष्ट्रातील एकूण 1 लाख 72 हजार 528 जनावरांना लम्पी स्कीनचा प्रादुर्भाव झाला आहे. या बाधित जनावरांपैकी 1 लाख 12 हजार जनावरे बरी झाली आहे. तर आत्तापर्यंत राज्यात 97 टक्क्यांहून अधिक जनावरांना लसीकरण पूर्ण झाले आहे. दिवसेंदिवस राज्यात लम्पी स्कीन आजाराचा प्रादुर्भाव झपाट्याने वाढत आहे. 31 ऑक्टोबर 2022 पर्यंत राज्यातील 33 जिल्ह्यांतील एकूण 3 हजार 204 गावांमध्ये या लम्पी स्कीनच्या विषाणूचा प्रभाव दिसून आला आहे. बाधित गावातील एकूण 1 लाख 72 हजार 528 बाधित जनावरांपैकी 1 लाख 12 हजार 683 जनावरे उपचाराने बरी झाली आहेत. बाधित जनावरांवर सध्या उपचार सुरु आहेत. सर्व जनावरे वेगाने बरी होत आहेत.
महत्त्वाच्या बातम्या:
Lumpy Skin Disease : महाराष्ट्रात लम्पीतून आत्तापर्यंत 1 लाख 12 हजार जनावरे बरी, 97 टक्के लसीकरण पूर्ण
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)