Sharad Pawar : पवारांच्या गोविंद बागेत 3 किलो वजनाच्या 'शरद मँगो'ची लागवड, AI तंत्रज्ञानाधारित ऊसाची शेती

Sharad Pawar : बारामतीतील गोविंद बागेमध्ये शरद पवारांच्या हस्ते 'शरद मँगो'ची लागवड करण्यात आली. सोबत पवारांनी एआय तंत्रज्ञानावर आधारित असलेल्या ऊसाची पाहणी केली.

Sharad Pawar

बारामतीतील गोविंद बाग येथे ज्येष्ठ नेते शरद पवार यांच्या उपस्थितीत ‘शरद मॅंगो’ या विशिष्ट जातीच्या आंब्यांच्या रोपांची लागवड करण्यात आली.

शरद पवारांनी गोविंद बागेतील AI तंत्रज्ञानाच्या मदतीने घेतलेल्या ऊस पिकाचीही पाहणी केली. यावेळी त्यांच्यासोबत युगेद्र पवारही उपस्थित होते.

‘शरद मॅंगो’ हे वाण सोलापूर जिल्ह्यातील माढा तालुक्यातील अरण येथील शेतकरी दत्तात्रय घाडगे यांनी विकसित केले आहे.

या वाणाचे वैशिष्ट्य म्हणजे त्याच्या एका फळाचे वजन साधारणतः 3 किलोपर्यंत असते.

शेतकऱ्यांच्या प्रयोगशीलतेतून आणि मेहनतीतून अशा नव्या वाणांची निर्मिती होत असल्याने हा प्रयोग शेती क्षेत्रासाठी महत्त्वाचा मानला जात आहे.

गोविंद बागेत AI तंत्रज्ञानाचा वापर करून घेतलेल्या ऊस पिकाची शरद पवार यांनी पाहणी केली.

शेतीमध्ये आधुनिक तंत्रज्ञानाचा वापर करून उत्पादनक्षमता वाढवण्याच्या दृष्टीने हे प्रयोग करण्यात येत आहेत.

नवीन वाणांना प्रोत्साहन देण्यासोबतच शेतीमध्ये आधुनिक तंत्रज्ञानाचा वापर करण्यावर शरद पवार यांनी नेहमीच भर दिला आहे.

बदलत्या काळानुसार शेती अधिक आधुनिक, तंत्रज्ञानाधिष्ठित आणि उत्पादनक्षम करण्याच्या दिशेने गोविंद बागेत सुरू असलेले हे प्रयोग त्यांच्या भविष्योन्मुख शेतीविषयक दृष्टिकोनाचे उदाहरण ठरत आहेत.