Udhav Thackery : अमित शाहांच्या टीकेला मुख्यमंत्री उद्धव ठाकरे प्रत्युत्तर देणार?  : ABP MAJHA

कटप्पानं बाहुबलीला का मारलं याचं उत्तर सापडलं, पण २०१९ मध्ये युतीतला कटप्पा कोण होता याचं उत्तर अजूनही सापडत नाही...बाहुबली आणि कटप्पाची आठवण काढण्यामागचं कारण म्हणजे केंद्रीय गृहमंत्री अमित शाहांनी मुख्यमंत्री उद्धव ठाकरेंना दिलेलं ओपन चॅलेंज. २०१९ मध्ये शिवसेनेनं मुख्यमंत्रीपदासाठी पाठीत खंजीर खुपसला आणि हिंदुत्त्वाला तिलांजली दिली अशी घणाघाती टीका अमित शाहांनी काल पुण्यात बोलताना केली.  हिंमत असेल तर राजीनामा द्या आणि पुन्हा निवडणुकांना सामोरं जाऊयात असं खुलं आव्हानही दिलं. २०१९ मध्ये शिवसेना आणि भाजपात काडीमोड झाला... शिवसेनेनं राष्ट्रवादी आणि काँग्रेससोबत महाविकास आघाडी सरकार स्थापन केलं. त्याची सल अजूनही अमित शाहांच्या मनात असल्याचं कालच्या वक्तव्यानंतर स्पष्ट झालंय.