MNS 17th Vardhapandin Thane : मनसेचा 17 वा वर्धापनदिन, ठाण्यात सभेसाठी जोरदार तयारी

MNS 17th Vardhapandin Thane : मनसेचा 17 वा वर्धापनदिन, ठाण्यात सभेसाठी जोरदार तयारी

Maharashtra Navnirman sena : आज महाराष्ट्र नवनिर्माण सेनेचा आज वर्धापन दिन (MNS Anniversary) आहे. मनसेला आज 17 वर्ष पूर्ण होत आहेत. यानिमित्त मनसेचे अध्यक्ष राज ठाकरे (Raj Thackeray) यांची आज सभा होणार आहे. सायंकाळी सहा वाजता गडकरी रंगायथन ठाणे इथं ही सभा होणार आहे. या सभेत राज ठाकरे नेमकं काय बोलणार याकडं सर्वाचं लक्ष लागलं आहे. दरम्यान,मनसेकडून नव्या दमाने, नव्या आयुधांसह... नवनिर्माण सज्ज! अशा आशयाचे पोस्टर प्रसिद्ध करण्यात आले आहे. 9 मार्च 2006 साली स्थापन झालेल्या मनसेला आज 17 वर्ष पूर्ण होत आहेत. या निमित्त गडकरी रंगायथन येथे सायंकाळी सहा वाजता राज ठाकरेंची सभा होणार आहे. सभेच्या पार्श्वभूमीवर 'साहेब' असे फलक लावून मनसेने वातावरणनिर्मिती केली आहे. सभेच्या निमित्ताने शक्तिप्रदर्शन करण्याची तयारी मनसेने केली आहे. गेल्या काही महिन्यात राज ठाकरेंनी राज्यातील अनेक ठिकाणी दौरे केले होते. तसेच पदाधिकाऱ्यांच्या बैठकाही घेतल्या होत्या. त्यानंतर आज संघटनेच्या वाटचालीसंदर्भात राज ठाकरे काय बोलणार याकडं सर्वांचं लक्ष लागलं आहे.