Dombivli MIDC Fire : आगीवर नियंत्रण, खबरदारीसाठी NDRFची टीम दाखल, एनडीआरएफची टीम दाखल

डोंबिवलीत इंडो अमाईन्स कंपनीत सकाळी १० च्या सुमारास भीषण आग लागली... या आगीनंतर जवळपास तासभर इथं स्फोट होतं होते.. ही आग लागली तेव्हा सुरूवातीला इथं कामगार होते,, मात्र सतर्कतेमुळे आग लागल्याची माहिती मिळताच त्यांना बाहेर काढण्यात आला असून यात कोणतीही जीवितहानी झालेली नाहीय. मात्र या आगीमुळे झालेल्या स्फोटांचा आवाजामुळे आजूबाजूच्या परिसरातील नागरिकांमध्ये भीतीचं वातावरण पसरलंय. 

Dombivli MIDC Fire डोंबिवली: डोंबिवलीतील एमआयडीसीमधील इंडो अमाईन्स (Indo Amines) कंपनीत आग लागल्याची घटना समोर येत आहे. यावेळी अनेक स्फोटांचे आवाजही येत असल्याची माहिती समोर येत आहे. अग्निशमन दलाच्या पाच ते सहा गाड्या घटनास्थळी रवाना झाल्या आहेत. या घटनेमुळे रहिवाशांमध्ये घबराट झाली आहे. आग लागण्याचं नेमकं कारण अद्याप समोर आलेलं नाही. या आगीचे लोळ पाहून परिसरात राहणाऱ्या रहिवाशांमध्ये भीतीचे वातावरण निर्माण झालं आहे. सध्या या कंपनीच्या आतमधे कुणीही अडकलं नसल्याची माहिती अग्निशमन दलाच्या अधिकाऱ्यांनी दिली. 

या घटनेनंतर बाजूला असणाऱ्या अभिनव शाळेतील विद्यार्थ्यांनी घरी पाठवण्यात आलं आहे. आजूबाजूच्या परिसरातील कारखान्यातील कामगारांना बाहेर काढण्याचे प्रयत्न करण्यात येत आहे. आग लागलेल्या इंडो अमाईन्स कंपनीच्या परिसरात अनेक विविध कारखाने आहेत. त्यामुळे लवकरात लवकर आगीवर नियंत्रण मिळवण्याची गरज आहे. सदर घटनेनंतर परिसरातील विद्युत पुरवठा बंद करण्यात आला आहे. गेल्या काही दिवासांमध्ये डोंबिवलीतील एमआयडीमध्ये आगीच्या अनेक घटना घडत आहे. मात्र यानंतरही राज्य सरकारने धडा घेतला नाहीय का?, अशा सवालही नागरिकांकडून उपस्थित करण्यात येत आहे. 

डोंबिवली एमआयडीत अनेक केमीकल कंपन्या आहेत. साधारण 15 दिवसांपूर्वीच या एमआयडीसीमधील अभिनव कंपनीत एक मोठा स्फोट झाला होता. यामध्ये 17 जणांचा मृत्यू झाला होता. त्यामुळे पुन्हा आग लागल्याने नागरिकांमध्ये मोठ्या प्रमाणात घबराट पसल्याचे दिसून येत आहे. विविध कंपन्यांनी तातडीने सगळ्या कामगारांना सुरक्षित पणे बाहेर काढण्यात आले.