Pune Rain News : गरज असेल तरच घराबाहेर पडा; प्रशासनाचं नागरिकांना आवाहन

Pune Rain News : गरज असेल तरच घराबाहेर पडा; प्रशासनाचं नागरिकांना आवाहन

पुण्यात पावसाचा जोर वाढला आहे. त्याचवेळी खडकवासला धरणातून झालेला ४० हजार क्युसेकचा विसर्गामुळे पुण्यात पूरस्थिती उद्भवलीे. परिणामी सध्या खडकवासलातील विसर्ग कमी करण्यात आलाय. धरणातून आता १५ हजार क्युसेकने विसर्ग केला जात आहे. दरम्यान पुण्यात अनेक भागात पाणी शिरलंय. पुण्याच्या निंबजनगर, एकता नगर भागात जवळपास ४ ते साडेचार फूट पाणी साचलंय. त्यामुळे गाड्या पाण्याखाली गेल्या आहेत. शेकडो लोक इमारतींमध्ये अडकले आहेत. पुण्यात बचावकार्यात रस्त्यावर बोटी चालवण्याची वेळ आलीय. गरज असेल तरच घराबाहेर पडा असं आवाहन प्रशासनाने केलंय.  सतत सुरू असलेल्या पावसामुळे पुण्यात अनेक भागात वीजपुरवठा खंडित झालाय.