BJP leader arrested | भाजपा शहर महामंत्री प्रमोद कोंढरे यांना अटक; महिला पोलीस निरीक्षकाचा विनयभंग

पुण्यात भाजपाचे शहर महामंत्री प्रमोद कोंढरे यांना एका महिला पोलीस निरीक्षकाचा विनयभंग केल्याप्रकरणी अटक करण्यात आली आहे. सोमवारी एका कार्यक्रमाच्या निमित्ताने भाजपचे नेते शनिवार वाड्याजवळ जमले होते. त्यावेळी प्रमोद कोंडरे यांनी गर्दीचा फायदा घेऊन महिला वरिष्ठ पोलीस निरीक्षकांचा विनयभंग केला. कोंढरे यांनी एक पत्रक काढून आरोप फेटाळले आणि गैरसमजूतीतून हा प्रकार घडल्याचा दावा केला. कोंढरे यांच्यावर याआधी सुद्धा विनयभंगाचा गुन्हा दाखल आहे.