Mumbai Accident | अंधेरीत भरधाव मर्सिडीजची दुचाकीला धडक, तरुणाचा मृत्यू

मुंबईतील अंधेरीच्या लोखंडवाला कॉम्प्लेक्समध्ये एक दुचाकीस्वार तरुणाला भरधाव वेगात असलेल्या मर्सिडीज चालकाने धडक दिली. यात दुचाकीस्वार सतीश पारसनाथ गुप्ता वय 20 वर्ष याचा मृत्यू झाला. रात्री दोनच्या दरम्यान ही घटना घडली. सतीश हा डिलिव्हरी बॉय म्हणून काम करतो. रात्री तो डिलिव्हरी करुन परतत होता. यावेळी समोरुन येणाऱ्या भरधाव वेगातील मर्सिडीज कारने त्याला धडक दिली. जखमी अवस्थेत त्याला कोकिलाबेन हॉस्पिटलमध्ये नेण्यात आले मात्र डॉक्टरांनी त्याला मृत घोषित केलं. या प्रकरणी ओशिवारा पोलिसांनी तैफुर तन्वीर शेख या 19 वर्षीय चालकाला ताब्यात घेतलं आहे.