Mega Block Mumbai Local : मुंबईकरांनो, रविवारी घराबाहेर पडताय? पाहा आज कुठे आहे मेगा ब्लॉक?

आज रेल्वेच्या दोन मार्गावर मेगाब्लॉक आहे. या मेगाब्लॉक काळात रुळांची दुरुस्ती तसेच सिग्नल यंत्रणेत काही तांत्रिक कामं करण्यात येणार आहेत. मध्य रेल्वेच्या माटुंगा ते मुलुंड स्थानकांदरम्यान अप-डाउन जलद मार्गावर, तर हार्बर मार्गावरील मानखुर्द-नेरुळ दरम्यान अप आणि डाउन मार्गावर हा मेगाब्लॉक आहे. या ब्लॉकदरम्यान मानखुर्द ते नेरुळ दरम्यानची लोकलसेवा बंद राहील. दर प्रवाशांच्या सोयीसाठी छत्रपती शिवाजी महाराज टर्मिनस ते मानखुर्द दरम्यान विशेष लोकल धावतील.