Mumbai : मुंबईचं तापमान घटलं, मुंबईचं तापमान २४ वरुन १९ अंशावर, मुंबईत थंडीची लाट येणार

मुंबईसह महाराष्ट्रातल्या अनेक जिल्ह्यामधील किमान तापमानात घट झाल्याचं पाहायला मिळत आहे. त्यामुळं ख्रिसमसनंतर मुंबईत हिवाळा जाणवण्याचा आणि उर्वरित महाराष्ट्रात तापमानात आणखी घट होण्याचा अंदाज वर्तवण्यात येत आहे. मागील आठवड्यात मुंबईतील किमान तापमान सरासरी २४ अंश सेल्सिअसवर होतं. पण गेल्या दोन दिवसांपासून मुंबईच्या किमान तापमानात पुन्हा घट झाली असून, पारा १९.६ अंश सेल्सिअसवर उतरला आहे.