Zero Hour NCP : भुजबळांकडून आव्हाडांची पाठराखण, राष्ट्रवादीमध्ये वातावरण गरम?

Zero Hour NCP : भुजबळांकडून आव्हाडांची पाठराखण, राष्ट्रवादीमध्ये वातावरण गरम?

Chhagan Bhujbal : शरद पवार गटाचे आमदार जितेंद्र आव्हाड (Jitendra Awhad) यांनी महाड (Mahad) येथील चवदार तळ्याच्या परिसरात मनुस्मृतीचे (Manusmriti) दहन केले. यावेळी जितेंद्र आव्हाड यांच्याकडून अनावधानाने डॉ. बाबासाहेब आंबेडकर (Dr Babasaheb Ambedkar) यांचा फोटो फाडण्यात आला. यावरून महायुती (Mahayuti) जितेंद्र आव्हाड यांच्या विरोधात आक्रमक झाली आहे. तर दुसरीकडे राष्ट्रवादी अजित पवार गटाचे मंत्री छगन भुजबळ (Chhagan Bhujbal) यांनी आव्हाडांची बाजू घेत पाठराखण केली. यामुळे छगन भुजबळ हे नाराज असल्याची चर्चा पुन्हा एकदा रंगू लागली. आता भुजबळांनी नाराजीच्या चर्चांवर प्रतिक्रिया दिली आहे. 

आज पुण्यश्लोक अहिल्यादेवी होळकरांच्या जयंतीनिमित्ताने छगन भुजबळांनी त्यांच्या भुजबळ फार्म या निवासस्थानी भुजबळ अहिल्यादेवी होळकरांना अभिवादन केले. यानंतर छगन भुजबळ यांनी पत्रकारांशी संवाद साधताना पुन्हा एकदा जितेंद्र आव्हाड यांची बाजू घेतली. तसेच आपण नाराज नाही, असे म्हणत नाराजीच्या चर्चांना पूर्णविराम दिला.