Shocking Video: बोरिवलीत महिलेवर भटक्या कुत्र्याचा जीवघेणा हल्ला, काळजाचा ठोका चुकवणारे CCTV फुटेज आले समोर

मुंबईच्या (Mumbai) बोरिवली (Borivali) पश्चिम परिसरातील ओल्ड एमएचबी कॉलनीत (Old MHB Colony) एका महिलेवर भटक्या कुत्र्याने (Stray Dog) हल्ला केल्याची धक्कादायक घटना घडली आहे. या हल्ल्यात पीडित महिला गंभीर जखमी झाली असून, तिला तातडीनं रुग्णालयात दाखल करण्यात आले आहे. या घटनेचे सीसीटीव्ही फुटेज (CCTV Footage) सोशल मीडियावर व्हायरल झाले आहे, ज्यामुळे स्थानिक नागरिकांमध्ये भीतीचे आणि चिंतेचे वातावरण पसरले आहे. या प्रकरणामुळे मुंबईतील भटक्या कुत्र्यांच्या वाढत्या समस्येवर आणि नागरिकांच्या सुरक्षेच्या प्रश्नावर पुन्हा एकदा गंभीर चर्चा सुरू झाली आहे.