Satyacha Morcha: 'सत्याचा मोर्चा' महाविकास आघाडी-मनसेला भोवला, Mumbai Police कडून आयोजकांवर गुन्हा दाखल.

मुंबईत महाविकास आघाडी (MVA) आणि महाराष्ट्र नवनिर्माण सेनेने (MNS) काढलेल्या 'सत्याचा मोर्चा' (Satyacha Morcha) विरोधात पोलिसांनी कारवाई केली आहे. पोलिसांनी दिलेल्या माहितीनुसार, 'प्रतिबंधात्मक आदेशांचे उल्लंघन केल्याबद्दल आणि बेकायदेशीररित्या सभा आयोजित केल्याबद्दल' आयोजकांवर गुन्हा दाखल करण्यात आला आहे. निवडणूक आयोगाच्या कार्यपद्धतीवर आणि मतदार याद्यांमधील कथित गोंधळाविरोधात हा मोर्चा काढण्यात आला होता. या मोर्चासाठी पोलिसांनी परवानगी नाकारली होती, तरीही तो आयोजित करण्यात आल्याने मुंबई पोलिसांनी (Mumbai Police) ही कारवाई केली. या मोर्चात उद्धव ठाकरे, राज ठाकरे आणि शरद पवार यांच्यासह अनेक प्रमुख नेते सहभागी झाले होते.