Junior College Admission : अकरावीची पहिली प्रवेश यादी 3 ऑगस्टला, अर्ज भरण्यासाठी 27 जुलैपर्यंत वेळ

दहावी उत्तीर्ण होत अकरावी प्रवेशाची वाट पाहणाऱ्या विद्यार्थ्यांसाठी महत्वाची बातमी. अकरावीची पहिली प्रवेश यादी 3 ऑगस्ट रोजी जाहीर होणार आहे. माध्यमिक व उच्च माध्यमिक शिक्षण विभागाकडून यासंदर्भात माहिती जाहीर करण्यात आलेय... अकरावीचा अर्ज पूर्ण भरण्यासाठी आता 27 जुलैपर्यंत वेळ असेल. सीबीएसईचा निकाल जाहीर झाल्यानंतर प्रवेश प्रक्रिया पुढे सरकण्यास सुरुवात झालेय. 28 जुलैला पहिल्या फेरीची तात्पुरती सर्वसाधारण गुणवत्ता यादी प्रसिद्ध होईल. यावरील हरकती, आक्षेप विचारात घेऊन त्यानुसार पहिल्या फेरीची प्रवेश यादी जाहीर करण्यात येणार आहे. विविध कोट्याअंतर्गत प्रवेशासाठी 30 जुलैपर्यंतची मुदत आहे.