IRCTC Website Down : आयआरसीटीसी वेबसाईट सुमारे दोन तासांपासून बंद, ई-तिकीट बुकिंग सेवा ठप्प

जर तुम्ही आयआरसीटीसीच्या वेबसाईटवरुन तिकीट बुक करत असाल तर तुम्हाला अडचणीचा सामना करावा लागू शकतो. कारण आयआरसीटीसीची वेबसाईट सुमारे दोन तासांपासून डाऊन असून तिकिटांची बुकिंग करण्यात अडचणी येत आहेत. आयआरसीटीने याची माहिती ट्विटरवर दिलीय. तांत्रिक बिघाडामुळे ई-तिकीटाच्या बुकिंग तात्पुरता परिणाम झाला आहे. बिघाड दुरुस्त करण्याचं काम सुरु असून लवकरच बुकिंग सेवा सुरु होईल, असं आयआरसीटीच्या वतीने सांगण्यात आलंय.